Korrigjim me dore per testet e matures shteterore

 Edhe për këtë maturë do të vazhdojë të ndiqet e njëjta mënyrë vlerësimi. Ajo e korrigjimit  të testeve me dorë nga grupet e vlerësimit të cilat  do të jenë të përqëndruara këtë vit , për herë të parë  edhe në qytetin e Korçës. Vlerësimi i testeve do të kalojë në tre tavolina vlerësuesish, ndërkohë që maturantët do të njihen me rezultatet e tyre  pas dy javësh që nga dita e testimit.
“Ka gjashtë qendra të vlerësimit. Është shtuar edhe Korça. Nga data 3-13 qershor është për gjuhë dhe letërsi, 17-30 matematika dhe përfundon në 10 korrik me provimet me zgjedhje” thotë Ndriçim Mehmeti , specialist në MASH.

Javën që vjen  pritet ngujimi i hartuesve pranë Agjencisë së Vlerësimit dhe Arritjeve të Nxënësve, ndërkohë që provimi i parë  starton në 1 qershor me atë të gjuhë- letërsisë.

Edlira Sulejmani