Koshtunica u ben thirrje serbeve te qendrojne ne vend

Kryeministri serb, Vojislav Koshtunica u beri dje thirrje serbeve te Kosoves te qendrojne ne "shtepite e tyre", megjithe shpalljen e pritur te pavaresise se vendit nga drejtuesit shqiptare te Kosoves, njoftoi agjencia e lajmeve Tanjug. "Populli yne ne Kosove duhet te qendroje dhe te jetoje atje, ne shtepine e tij", tha Koshtunica ne nje deklarate telefonike per TANJUG-un. "Per qeverine serbe, cdo person serb ne Kosove eshte nje qytetar i Serbise me te drejta te plota dhe eshte detyrimi yne te bejme gjithcka per te siguruar kushte normale jetese per popullaten tone ne krahine", nenvizoi ai. Kjo deklarate e Koshtunices vjen ne momentin kur lideret shqiptare te Kosoves po pergatiten te shpallin njeanshmerisht, ndoshta te dielen, pavaresine e tyre. Afro 120 000 serbe qendruan ne krahinen e administruar nga OKB-ja qe prej vitit 1999, shumica e te cileve duke jetuar ne enklava te mbrojtura nga forca e NATO-s, KFOR dhe te rrethuar nga fshatra shqiptare.