Kosova të bëhet pjesë e procesit të Bolonjës

Në fjalën e tij, ministri shqiptar i Arsimit dhe Shkencës, duke përshëndetur aderimin e Kazakistanit si vendi i 47 i Procesit të Bolonjës, kërkoi gjithashtu edhe pranimin e Kosovës në të.

“Republika e Kosovës ka ndërtuar politikat e arsimit të lartë mbështetur në principet e Bolonjës. Për sa kohë ministri i Arsimit të Kosovës nuk do të ftohet në këtë tavolinë, studentët dhe profesorët e këtij vendi të pavarur do ta lexojnë këtë mesazh si barrierë për mobilitetin e tyre dhe bashkëpunimin me homologët në Europë. Ne mendojmë se duhet gjetur rruga më adekuate për t’i krijuar Republikës së Kosovës dhe vendeve të tjera aspiruese mundësinë e aderimit në Procesin e Bolonjës”, përfundoi Tafaj.