Kosovë, kabineti qeveritar është përfshirë nga kriza
PRISHTINE- Kabineti kosovar i kryeministrit Hashim Thaci është përfshirë nga kriza. Edhe pse publikisht u hodh poshtë prishja e aleancës PDK dhe LDK, priten shumë shpejt ndryshime në qeveri. Ministrat që do ndërrohen nuk kanë treguar efikasitet në sektorët që drejtojnë. Sipas mediave kosovare, Lutfi Haziri i LDK së shpejti mund të bëhet ministër i Integrimit Evropian.
Por edhe për këtë post duket se ka kontradikta, pasi në rast se kjo ministri do ti takojë PDK-së atëherë emër i lakuar është Bajram Rexhepi.
Në fakt dy partitë që drejtojnë vendin, si Partia Demokratike dhe Lidhja Demokratike thonë se ndërrimi i disa ministrave është i pashmangshëm.
Mediat kosovare thonë se pritet të hiqen 4 ministra. Por ndërsa rivaliteti mes PDK dhe LDK është i dukshëm, opozita vendase kërkon zgjedhje të parakohshme. Ndërkohë shumë kritika ka dhe për kryetarin e shtetit, Fatmir Sejdiu që vazhdon të mbajë të ngrirë postin e kreut të Lidhjes Demokratike, ndërkohë që kjo është shkelje e Kushtetutës.
Kërkesat për zgjedhje të parakohshme u shtuan pas përplasjes javën e kaluar mes dy partnerëve të koalicionit qeverisës, kur PDK-ja e Hashim Thacit fillimisht bëri publik qëndrimin për "prishje" të koalicionit, të cilin e tërhoqi vetëm pak orë më pas.
Zyrtarë të PDK-së kanë theksuar se nuk e mbështesin idenë e mbajtjes së zgjedhjeve të parakohshme të përgjithshme, ndërkohë që LDK-ja nuk e ka përjashtuar këtë mundësi dhe ka thënë se është e gatshme për një proces të ri zgjedhor në vitin 2010. Nuk dihet sa do të zgjasë kjo lloj qeverisjeje në Kosovë, të cilën analistët e quajnë qeveri të brishtë.
Partnerët e koalicionit thonë se qeverisja është e qëndrueshme, por analistët thonë se kjo bëhet vetëm për të fituar kohë që të shkohet drejt zgjedhjeve të parakohshme. Në Kosovë sa përfunduan zgjedhjet lokale, të cilat në fakt sollën një rikonfigurim miks të skenës politike, ku PDK fitoi në nivel kombëtar, por LDK mori komuna të rëndësishme, ndërkohë që edhe opozita korri disa fitore në bastionet e veta.
(e.n/News24/BalkanWeb)
Por edhe për këtë post duket se ka kontradikta, pasi në rast se kjo ministri do ti takojë PDK-së atëherë emër i lakuar është Bajram Rexhepi.
Në fakt dy partitë që drejtojnë vendin, si Partia Demokratike dhe Lidhja Demokratike thonë se ndërrimi i disa ministrave është i pashmangshëm.
Mediat kosovare thonë se pritet të hiqen 4 ministra. Por ndërsa rivaliteti mes PDK dhe LDK është i dukshëm, opozita vendase kërkon zgjedhje të parakohshme. Ndërkohë shumë kritika ka dhe për kryetarin e shtetit, Fatmir Sejdiu që vazhdon të mbajë të ngrirë postin e kreut të Lidhjes Demokratike, ndërkohë që kjo është shkelje e Kushtetutës.
Kërkesat për zgjedhje të parakohshme u shtuan pas përplasjes javën e kaluar mes dy partnerëve të koalicionit qeverisës, kur PDK-ja e Hashim Thacit fillimisht bëri publik qëndrimin për "prishje" të koalicionit, të cilin e tërhoqi vetëm pak orë më pas.
Zyrtarë të PDK-së kanë theksuar se nuk e mbështesin idenë e mbajtjes së zgjedhjeve të parakohshme të përgjithshme, ndërkohë që LDK-ja nuk e ka përjashtuar këtë mundësi dhe ka thënë se është e gatshme për një proces të ri zgjedhor në vitin 2010. Nuk dihet sa do të zgjasë kjo lloj qeverisjeje në Kosovë, të cilën analistët e quajnë qeveri të brishtë.
Partnerët e koalicionit thonë se qeverisja është e qëndrueshme, por analistët thonë se kjo bëhet vetëm për të fituar kohë që të shkohet drejt zgjedhjeve të parakohshme. Në Kosovë sa përfunduan zgjedhjet lokale, të cilat në fakt sollën një rikonfigurim miks të skenës politike, ku PDK fitoi në nivel kombëtar, por LDK mori komuna të rëndësishme, ndërkohë që edhe opozita korri disa fitore në bastionet e veta.
(e.n/News24/BalkanWeb)