Kosovë, "Grupi i Llapit", dënohet me 13 vjet burg

Sot në Gjykatën e Qarkut në Prishtinë, një trup gjykues i përzier, i përbërë prej një gjykatësi kosovar dhe dy gjykatës të EULEX-it në gjykimin për krime lufte të të ashtuquajturit "Grupi i Llapit", shpallli dënimet për tre të akuzuarit. Ata kanë qenë pjesëtarë të UÇK-së në zonën e Llapit.
Një nga të dënuarit, Rrustem Mustafa është deputet i Kuvendit të Kosovës.
Në njoftimin që sapo dha EULEX-i, thuhet se Latif Gashi u shpall fajtor për krime lufte për shkak të trajtimit çnjerëzor të civilëve të paraburgosur dhe krime lufte për shkak të rrahjes dhe torturimit të civilëve të paraburgosur. Latif Gashi është dënuar me gjashtë vjet burg.
Nazif Mehmeti u shpall fajtor për krime lufte për shkak të trajtimit çnjerëzor të civilëve të paraburgosur dhe krime lufte për shkak të rrahjes dhe torturimit të civilëve të paraburgosur. Nazif Mehmeti u dënua me tre vjet burg.
Rrustem Mustafa u shpall fajtor për krime lufte për shkak të trajtimit çnjerëzor të civilëve të paraburgosur dhe krime lufte për shkak të rrahjes dhe torturimit të civilëve të paraburgosur.
Rrustem Mustafa u dënua me katër vjet burg.