Kosovë, regjistrimi mund të shtyhet

Regjistrimi i popullsisë në Kosovë i parashikuar të fillojë pas katër ditësh, më 1 prill, ka shumë gjasa që të shtyhet për më vonë, për shkak të disa paqartësive dhe kundërshtimeve që kanë dalë në momentin e fundit.

Ndërsa data është afruar, përgatitjet për këtë proces që në Kosovë do të mbahet pas 30 vjetësh, ende nuk kanë përfunduar.

Drejtori i EUROSTAT-it, Peter Everares do të qëndrojë në Kosovë. Pas takimit me kryeministrin Hashim Thaçi do të dihet nëse regjistrimi do të nisë më 1 prill apo jo.