Krimet kunder personit, policia pranon rritje problematike ne Durres

Gjate muajit Shkurt 2009 zbulueshmeria e krimeve ndaj personit ne Qarkun Durres paraqitet ne masen 100%, ndersa verehet nje rritje e numrit te ketyre veprave penale.
Pohimin e ka bere sor Policia e Qarkut te Durresit e cila tha se ne kete kuader, krahas punes se bere ne drejtim te zbulimit e dokumentimit, po ndermerren edhe nje sere masash edhe ne drejtim te parandalimit te veprave te tilla penale.
Per kete arsye Policia e Qarkut te Durresit thote se po i kushton rendesi mbajtjes nen kontroll te personave me precedente penale ose policore, ambienteve te frekuentuara nga te rinjte, etj.
Vetem gjate diteve te fundit jane rregjistruar nga ana jone dy raste te kapjes e arrestimit ne flagrance te shtetasve te cilet ne ambiente publike mbanin me vete arme zjarri, duke bere te mundur keshtu parandalimin e veprave te mundshme penale.
Duke sqaruar se jane arrestuar disa persona te gjetur me arme zjarri, policia kujton faktin se mbajtja pa leje e armeve e municioneve luftarake, armeve te ftohta, armeve te gjuetise e sportive perben vepra penale te parashikuara nga nenet 278, 279 dhe 280 te Kodit Penal, sanksioni i se cilave varion nga gjobe deri ne 15 vjet burg.