Kriza e euros revoltohet Athina Jo me shantazh
Greqia e rrezikuar nga falimentimi i shtetit ka siguruar huadhënësit ndërkombëtarë se do të përpiqet më shumë për kapërcimin e krizës së borxheve. Athina zyrtare megjithatë nuk i ka kursyer kritikat e është shprehur se në këtë situatë të rëndë Greqia është "shantazhuar dhe poshtëruar". Ministri i Financave Evangelos Venizelos tha se për të ndalur këtë situatë, vendi duhet të lëvizë përpara me reduktimin e deficitit e përmbushjen e objektivave financiare.
"Nëse duam të stabilizojmë situatën, në qoftë se ne duam të shmangim falimentin, nëse duam të mbetemi në eurozonë, nëse ne duam që vendi ynë të mos bjerë pre e shantazheve dhe poshtërimeve – sepse asnjë nënshtetas nuk duhet të bjerë dakord me me poshtërimin e vendit të tij - ne duhet të marrim tre vendime të mëdha strategjike si pjesë e strategjisë sonë kombëtare", tha Vensizelos.
Në këtë kuadër Venizelos theksoi arritjen e objektivave fiskalë në dy vitet në vijim, surpluse të përvitshme buxhetore e ndryshime për rritjen e konkurrencës. Sipas të dhënave të Venizelosit, qeveria greke vazhdon të këmbëngulë për planet e mbulimit të borxheve të reja buxhetore nëpërmjet taksave. Detyrimet për uljen e kostove në shërbimin publik, do të kryhen vitin e ardhshëm. E ndërsa pritet miratimi i këstit të rradhës Venizelos thekson se grekët nuk duhet të përdoren si justifikim i europianëve dhe institucioneve ndërkombëtare për të fshehur mungesën e kompetencës në menaxhimin e krizës apo si përgjigje ndaj sulmeve kundër euros, monedhës më të fortë në botë.
Delina Bitraku
"Nëse duam të stabilizojmë situatën, në qoftë se ne duam të shmangim falimentin, nëse duam të mbetemi në eurozonë, nëse ne duam që vendi ynë të mos bjerë pre e shantazheve dhe poshtërimeve – sepse asnjë nënshtetas nuk duhet të bjerë dakord me me poshtërimin e vendit të tij - ne duhet të marrim tre vendime të mëdha strategjike si pjesë e strategjisë sonë kombëtare", tha Vensizelos.
Në këtë kuadër Venizelos theksoi arritjen e objektivave fiskalë në dy vitet në vijim, surpluse të përvitshme buxhetore e ndryshime për rritjen e konkurrencës. Sipas të dhënave të Venizelosit, qeveria greke vazhdon të këmbëngulë për planet e mbulimit të borxheve të reja buxhetore nëpërmjet taksave. Detyrimet për uljen e kostove në shërbimin publik, do të kryhen vitin e ardhshëm. E ndërsa pritet miratimi i këstit të rradhës Venizelos thekson se grekët nuk duhet të përdoren si justifikim i europianëve dhe institucioneve ndërkombëtare për të fshehur mungesën e kompetencës në menaxhimin e krizës apo si përgjigje ndaj sulmeve kundër euros, monedhës më të fortë në botë.
Delina Bitraku