Krujë, “agjentët e antidrogës” grabisin shtetasit slloven

Ngjarja ndodhi rreth orës 04:00 të mëngjesit të sotëm, kur grabitësit kanë ndaluar sllovenët, duke u prezantuar si oficer të antidrogës.

Menjëherë ka nisur “aksioni” i tyre, duke ju marrë makinën, paratë dhe bizhuteritë që zotëronin. Policia mbërriti në vendin e ngjarjes, ndërsa thekson se autorët janë ende të pa identifikuar. Mësohet gjithashtu, se pas grabitjes autorët kanë djegur makinën e tyre.

Sipas dëshmive në polici të shtetasve sllovenë, të cilit punonin prej vitesh në vendin tonë, grabitësit nuk kishin armë dhe as maska, ndërkohë që deklaruan se nuk u ishte ushtruar dhunë ndaj tyre. Policia tha se makina e vjedhur është gjetur në Tiranë.