Kryeministri : Shqipëria, superfuqi nukleare

Kryeministri i vendit, Sali Berisha, është treguar edhe një herë i vendosur për sa i përket ndërtimit të centralit bërthamor në Shqipëri, si mundësi e vetme për të garantuar prodhim të qëndrueshëm të energjisë elektrike. Kreu i qeverisë deklaroi dje në takimin e tretë të Rrjetit Parlamentar të Bankës Botërore, "se Shqipëria mirëpret të gjitha investimet në sektorin energjetik". Në këtë pikëpamje, Kryeministri ka bërë publike një tjetër prioritet të qeverisë: shndërrimin e Shqipërisë në superfuqi të energjisë nukleare për rajonin. Në takim merrnin pjesë 33 parlamentarë nga 10 vende të rajonit.