Kryeministri Berisha përshëndet marrëveshjen mes PDSH-së në Maqedoni dhe partisë së kryesuar nga Kryeministri Gruevski

Kryeministri i Republikës së Shqipërisë, Prof. Dr. Sali Berisha, përshëndeti sot marrëveshjen e arritur midis Partisë Demokratike të shqiptarëve të Maqedonisë dhe Partisë të kryesuar nga Kryeministri i Maqedonisë Nikola Gruevski, VMRO DPMNE.

Kryeministri vlerëson këtë marrëveshje si një zhvillim të rëndësishëm pozitiv, në zbatimin e Marrëveshjes së Ohrit, në stabilitetin e Maqedonisë, si dhe në procesin e integrimit të saj në NATO.