Kryeministri Berisha takohet me presidentin e kompanisë NOVOMATIC AG, Prof. Johann F.Graf.

Kryeministri Berisha priti në një takim presidentin e kompanisë NOVOMATIC AG, Prof. Johann F.Graf dhe delegacionin që e shoqëronte.

Prof. Johann F.Graf  e njohu Kryeministrin Berisha me veprimtarinë e kompanisë së njohur në fushën e teknologjisë, NOVAMATIC.AG.

Kjo kompani është lidër në botë për zhvillimin e paisjeve të lojrave

“high-tech” dhe sistemeve “multiplayer” dhe operon në  27 vendet anëtare të Bashkimit Europian.

Përfaqësuesi i kompanisë NOVAMATIC AG  ofroi asistencë për qeverinë dhe ekspertët në procesin e  reformës në fushën e lojërave të fatit dhe basteve sportive. Kjo fushë po reformohet pothuajëse në të gjitha vendet e zhvilluara.

Kryeministri Berisha iu shprehu përfaqësuesve austriakë, vendosmërinë e qeverisë shqiptare për të reformuar sistemin aktual dhe adaptuar standartet më të përparuara europiane, përsa i përket sistemit të monitorimit, liçensimit etj.