Kryeministri Berisha takon Shefin e ri të Prezencës së OSBE-së në Shqipëri, Ambasadorin Robert Bosh
Sot, Kryeministri Berisha, priti në takim Shefin e ri të Prezencës së OSBE-së në Shqipëri, Ambasadorin Robert Bosh.
Në takim, Ambasadori Bosh shprehu kënaqësinë dhe falënderimet e tij për bashkëpunimin e autoriteteve të qeverisë shqiptare me Prezencën e OSBE-së. Ambasadori Bosh vuri në dukje progresin e madh të vendit tonë në fusha të ndryshme.
Kryeministri Berisha, duke vlerësuar emërimin e Ambasadorit Bosh, shprehu interesim dhe gadishmëri për bashkëpunim të mëtejshëm me OSBE-në për reformën elektorale, reformën në drejtësi dhe për konsolidimin e institucioneve demokratike.