Kryeministri emëron Diana Shtyllën

Pritet koka e parë e debatit Berisha-
Bode për rritjen ekonomike.
Kryeministri Berisha
ka firmosur dje një tjetër largim në
institucionet që janë në varësi të tij.
Me vendim qeverie, është liruar dje
nga detyra anëtari i Këshillit të
Statistikave, Kliti Ceca, dhe në vend
të tij është emëruar Diana Shtylla.
Në mbështetje të nenit 100 të
Kushtetutës dhe të pikës 1 të nenit
10, të ligjit Nr. 9180, datë 5.2.2004,
"Për statistikat zyrtare", me propozimin
e Kryeministrit, Këshilli i Ministrave
vendosi që Kliti Ceca, anëtar i
Këshillit të Statistikave, të lirohet nga
ky funksion dhe në vendin e tij të
emërohet si anëtare e Këshillit të
Statistikave, Diana Shtylla. Vendimi
është miratuar dje në mbledhjen e
qeverisë. Vendimet e Këshillit të
Statistikave shqyrtohen sipas renditjes,
me përjashtim të rasteve kur
anëtarët, me votim të hapur, vendosin
ndryshe. Për çdo çështje që
diskutohet në mbledhjen e Këshillit
të Statistikave, vendoset me shumicën
e votave të anëtarëve të
pranishëm.