Kryeministri kërkon dorëheqjen në grindjen për bankën "Fortis"

Kryeministri belg, Ives Leterme,
ka propozuar dorëheqjen
e qeverisë së tij në mesin
e sherrit që ka plasur për problemet
e mëdha të Bankës "Fortis". Ky
sugjerim është diskutuar në një
mbledhje emergjente të qeverisë,
por sipas analistëve, edhe nëse Kryeministri
mund të këmbëngulë që
të largohet, Mbreti mund të mos e
lejojë një gjë të tillë dhe në këtë rast
ai nuk mund të largohet nga detyra
menjëherë. Në fillim të ditës së
djeshme dha dorëheqjen ministri i
Drejtësisë, pasi Gjykata e Lartë belge
akuzoi qeverinë se ishte përpjekur
të ndikonte në vendimin e saj në
lidhje me fatin e bankës "Fortis".
Gjykatësit, javën e kaluar bllokuan
planin e shpëtimit të qeverisë dhe
shitjen e aksioneve të saj te "Fortis",
t"e banka franceze, BNP. Sipas
gjykatës, duhet që këtë vendim ta
marrin aksionerët e bankës dhe jo
të jetë një vendim arbitrar. Në këtë
situatë, Kryeministri ka propozuar
dorëheqjen e qeverisë duke thirrur
në një mbledhje urgjente kabinetin
qeveritar. Javën e kaluar, Gjykata
e Apelit vendosi në favor të 2200
aksionerëve të "Fortis"