Kryeministri shqiptar z. Fatos Nano i ka derguar sot mesazhe pershendetese z. Javier Solana Perfaqesues i Larte per Politiken e Perbashket te Jashtme dhe te Sigurise te Bashkimit Europian, Lordit Xhor

Kryeministri shqiptar z. Fatos Nano i ka derguar sot mesazhe pershendetese z. Javier Solana Perfaqesues i Larte per Politiken e Perbashket te Jashtme dhe te Sigurise te Bashkimit Europian, Lordit Xhorxh Robertson Sekretar i Pergjithshem i NATO-s, si dhe z. Boris Trajkovski President i ish-Republikes Jugosllave te Maqedonise, me rastin e Transferimit te Autoritetit dhe kalimin nga operacioni i NATO-s "Allied Harmony" ne ate "Concordia" te udhehequr nga Bashkimi Europian, ne ish Republiken Jugosllave te Maqedonise.

Ne kete mesazh pershendetes Kryeministri Nano shkruan:

"Me rastin e Transferimit te Autoritetit dhe kalimin nga operacioni i NATO-s "Allied Harmony", ne ate "Concordia" te udhehequr nga Bashkimi Europian, ne Ish- Republiken Jugosllave te Maqedonise, deshiroj qe, ne emer te Qeverise Shqiptare te shpreh pershendetje te sinqerta per kete hap te rendesishem bashkepunimi ndermjet BE dhe FYROM. Kam bindjen e patundur ne realizimin me sukses te plote te objektivave te operacionit "Concordia", te cilat synojne sigurimin e paqes dhe stabilitetit afatgjate, ne fqinjin tone lindor e me gjere ne rajon.
Qeveria Shqiptare, e cila konsolidimin e sigurise dhe te stabilitetit rajonal i ka identifikuar si nje nder prioritetet e rendesishem te politikes se saj te jashtme, eshte e gatshme, me kete rast, te vere ne dispocizion te operacionit "Concordia", te gjitha lehtesite e mundshme, nese do te kerkohet".