Kryeministri u fal rrogen femijeve te policeve deshmore
Kryeministri Sali Berisha jep rrogen mujore shperblim per familjet e policeve qe kane rene ne krye te detyres. Ne aktivitetin e zhvilluar dje, ne qytetin e Durresit, me rastin e festave te fundvitit, i pranishem ka qene edhe kreu i ekzekutivit, i cili pas fjales se mbajtur me kete rast, duke ngritur lart figuren e policeve te vrare dhe te plagosur ne krye te detyres, ka thene se rrogen e muajit dhjetor e vinte ne dispozicion te familjeve te te reneve si deshmore. Por, nje shperblim nga fondi i posacem i saj ne ndihme te familjeve te policeve ka dhene dhe Ministria e Brendshme, qe ishte dhe organizatore e ketij aktiviteti. Familjaret e policeve te vrare kane marre shperblime te ndryshme, duke nisur nga 10 mije leke. Ministria e Brendshme ka mbledhur 234 femijet, te cileve baballaret u kane rene ne krye te detyres. "Ne me asgje nuk mund te kompensojme humbjen, por me nje mirenjohje te pakufishme dhe respekt shume te thelle per prinderit qe ju mungojne, do te perpiqemi te lehtesojme te gjithe jeten dhe shkollimin tuaj, si dhe te gjendemi prane jush", deklaroi Kryeministri, perpara femijeve te policeve te vrare ne pune. Nga ana tjeter, ministri i Brendshem, Bujar Nishani, garantoi per angazhimin e plote te dikasterit per te qene prane ketyre familjeve dhe per te lehtesuar hallet e shqetesimet e tyre.
A.Cena