Kryeministtri Berisha dhe Kryeministri i Malit të Zi Sturanovic: Ndarja e Kosoves është opsion i papranueshem

Kryeministri Berisha  u takua në Nju Jork me Kryeministrin e Malit të Zi  Zeljko Sturanovic

Të dy homologët vlerërsuan marëdhëniet e shkëlqyera  mes dy vendeve, në të gjitha fushat  dhe u shprehën për zgjerimin e këtij bashkëpunimi të frytshëm në të ardhmen, veçanërisht në  fushën ekonomike, të infrastrukturës etj. Në këtë kuadër, Kryeministri Berisha vlerësoi punimet për rrugën Shkodër- Podgoricë, si dhe zbatimin e projekteve të përbashkëta në liqenin e Shkodrës dhe mbi lumin  e Bunës.

Kryeministri I Malit të Zi Sturanovic u shpreh se mbështet plotësisht  përpjekjet e Shqipërisë për anëtarësim në Nato dhe vlerëson hapat e ndërrmarra nga qeveria shqiptare në rrugën e reformave. Gjithashtu, Kryeministri I Malit të Zi Sturanovic kërkoi mbështetjen e Shqipërisë, për anëtarësimin me të drejta të plotë të Malit të Zi, në Kartën e Adriatikut 3.

Në takim u diskutua gjithashtu edhe për çështjen e Kosovës, ku të dy palët ranë dakort se opsioni i ndarjes së Kosovës është i papranueshëm dhe se zgjidhja sipas planit Ahtisari është e vetmja zgjidhje që i shërben paqes dhe stabilitetit në Kosovë dhe rajon.