Kryeparlamentarja Jozefina Topalli priti një delegacion parlamentar të Koresë së Jugut

Marrëdhëniet ekonomike do të forcohen më shumë në të ardhmen

Kryetarja e Kuvendit, Jozefina Topalli priti dje një delegacion parlamentar të Koresë së Jugut. Topalli, duke i uruar mirëseardhjen përfaqësuesve të parlamentit së Koresë së Jugut, i konsideroi  marrëdhëniet mes Shqipërisë dhe Koresë së Jugut të një niveli shumë të mirë. Ajo tha se të tilla vizita janë një impuls pozitiv në planin politik, ekonomik, kulturor dhe në fusha të tjera.

Kryeparlamentarja vlerësoi faktin, që në planin diplomatik, Koreja e Jugut ishte ndër vendet e para që njohu Kosovën si shtet të pavarur. Marrëdhëniet ekonomike mes dy vendeve ishin në fokus të takimit mes Kryetares se Kuvendit dhe delegacionit nga parlamenti i Koresë së Jugut, pasi prania e kompanive te fuqishme, si Samsung, Hundai, KIA etj, tregon interesin e investitorëve koreano - jugorë për tregun shqiptar. Topalli njohu kolegët nga Koreja e Jugut me zhvillimet e fundit në Shqipëri pas zgjedhjeve të 28 qershorit.

Zonja Topalli njohu kolegët nga Koreja e Jugut me zhvillimet e fundit në Shqipëri pas zgjedhjeve të 28 qershorit. Ajo shprehu bindjen se në mandatin e dytë qeverisës të kryeministrit Berisha reformat në ekonominë shqiptare dhe rritja e konsoliduar e saj mbeten prioritet, duke gatur si qëllim kryesor thithjen e investimeve të huaja.

Në takim, Kryetarja e Parlamentit, duke  vlerësuar vendimin e qeverisë koreane-jugore për heqjen e vizave për të gjithë shtetasit shqiptarë, njohu delegacionin e Parlamentit të Koresë së Jugut me përpjekjet e qeverisë shqiptare për heqjen e vizave me vendet e Bashkimit Evropian.