Kthehet acari dhe izolimi ne Verilindje
Ulja e temperaturave dhe reshjet e dendura te debores, rikthejne izolimin ne Verilindje te vendit. Zonat malore te qarqeve Shkoder, Kukes, Diber, Korce dhe Elbasan jane bllokuar prej dy ditesh per shkak te trashesise se debores se rene, kurse dukuria e erozionit vazhdon te perhapet. Reshjet kane bllokuar edhe disa prej akseve kombetare, kurse shume te tjera jane te kalueshme vetem me zinxhire. Kurse ne fshatrat e Korces ka rene debore ne ngjyre te kuqerremte, nje fenomen ky qe eshte hasur ne rajonet e Rusise dhe Kines, gjate javes se kaluar.
Mbremjen e se dieles dhe ne oret e para te mengjesit te djeshem, reshje te dendura debore me stuhi kane pushtuar Veriun dhe Lindjen e vendit. Debora ka arritur nje lartesi prej 30 cm, deri ne gjysme metri, duke krijuar edhe veshtiresi ne levizjen e mjeteve ne disa akse rrugore. Ne aksin Tirane-Peshkopi, kalimi ne disa segmente, vecanerisht afer Bulqizes, realizohet me zinxhire. E njejta situate edhe ne aksin Tirane-Kukes, ne zonen problematike te Qafes se Malit. Drejtoria e Mirembajtjes se Rrugeve ka aktivizuar nje pjese te mire te borepastrueseve dhe shtruar skorje ne rruget kryesore. Kritike cilesohet situata edhe ne Qafe-Shllak, apo Morine. Veshtiresi ne levizjen e mjeteve ka edhe ne akset tjera rrugore Kukes-Krume, Kukes-Shishtavec dhe Kukes-Bushtrice.
Ne zonat malore raportohet se trashesia e debores shkon edhe mbi gjysme metri. Situate me e veshtire paraqitet ne zonat rurale, ku vec komunave te Zapodit e Arrnit ne Kukes, qe jane te bllokuara prej disa javesh, ne izolim kane kaluar edhe komunat e Gryke Cajes dhe Kalisit, po ne kete qark. Ne Tropoje situata eshte kritike ne aksin rrugor Qafe-Morine-Bajram Curri-Fierze, ku punojne edhe dy borepastruese. Ne aksin rrugor Bajram Curri-Krume, levizja e mjeteve eshte e detyrueshme te behet me zinxhire, kurse te bllokuara jane komunat Lekbibaj dhe Margegaj, por edhe disa fshatra te tjere.
Ne Elbasan raportohet se ka pasur reshje te debores ne zonat malore te qarkut. Ne Qafen e Kerrabes, qarkullimi i automjeteve eshte i veshtire dhe po keshtu ne Qafen e Thanes, deri ne Pogradec, ku qarkullimi i automjeteve behet vetem me zinxhire. Kurse rruget rurale jane te bllokuara.
Ne qytetin e Korces, dje ka pasur reshje te dendura debore, madje sipas qytetareve ajo ka pasur nje ngjyre te kuqerremte. Kjo dukuri kishte prekur me pare Kinen dhe Rusine, ndersa shkencetaret shpjeguan se shkak kane qene stuhite e eres ne zonat e ndryshme nuk ka pasur reshje dhe depozitimi i tyre ne terrene me atmosfere te ftohte. Bore e kuqerremte mesohet se ka rene ne fshatrat Petrushe dhe Sovjan te Korces.