Kujtohet në 60-vjetorin e lindjes, Vladimir Prela

Familjarë, miq dhe shokë, personalitete të të gjitha fushave kanë përkujtuar në 60-vjetorin e lindjes, diplomatin dhe gazetarin e njohur Vladimir Prela, i cili u nda nga jeta në mënyrë të papritur 6 muaj më parë. Familjarët, ata që ndiejnë më shumë se kushdo sot mungesën e Vladimirit, e kujtojnë atë si një prind dhe bashkëshort të përkushtuar, ndërsa theksojnë se kjo ditë do të ishte ndryshe me Ladin, siç e quajnë ata.

Miqtë dhe kolegët vlerësojnë seriozitetin dhe korrektësinë që karakterizoi karrierën e Vladimir Prelës.

Ish-ambasadori shqiptar në Maqedoni ka luajtur një rol mjaft aktiv në ruajtjen e marrëdhënieve të mira mes vendeve fqinje, por edhe në qetësimin e debatit mes faktorit politik shqiptar në Maqedoni.