Kujtova se ishte dhelpër, justifikim. Vrasja për shkak të dyshimeve për tradhti bashkëshortore

Një vrasje që tronditi komunën Cakran në Fier po shkon drejt zbardhjes. Një 49 vjeçar, i quajtur Gramoz Mema, u qëllua për vdekje nga 55- vjeçari Besim Fejzaj. Ky i fundit deklaroi në polici se viktima i ishte dukur si një kafshë e egër. Por gazeta Shqip thotë se policia dyshon se krimi është kryer për motive të dobëta. Autori i krimit mendonte se viktima kishte marrëdhënie me të shoqen e tij. Edhe banorët e fshatit mendojnë se është kjo arsyeja e këtij krimi. Për më tepër, viktima është qëlluar nga afër dhe në bark, çka shton më shumë dyshimet se krimi është kryer me vetëdije në një moment kur të dy kanë qenë ballë për ballë.