Kume: Zgjedhjet u mbyllen, te nise puna me reformen Rozeta Rapushi

Me mbylljen e debatit dhe historise se gjate te ankimimeve per rezultatin e zgjedhjeve ne Tirane, ekspertet zgjedhore, sugjerojne nisjen e menjehershme te dialogut dhe punes me reformen zgjedhore. Ish kryetari i Komisionit Qendror te Zgjedhjeve, i mandatar muaj me pare edhe si kryetar i sekretariatit te tryezes se bisedimeve te zhvilluara per reformen zgjedhore, Kristaq Kume, tha dje per gazeten "Koha Jone", se tashme e gjithe vemendja duhet perqendruar tek reforma. Madje ai theksoi se me celjen e sesionit te ardhshem parlamentar, do te tentoje dhe kerkoje qe te ule ne nje tryeze te gjitha forcat politike, si dhe do te beje apele te vazhdueshme per realizimin e reformes zgjedhore. "Tashme debatet mbi rezultatin per zgjedhjet ne Tirane perfunduan dhe nuk ka me pse te vijojne diskutimet per kete ceshtje. Te gjitha palet duhet te nisin dialogun per realizimin e reformes zgjedhore e cila eshte e domosdoshme. Ishte qe para zgjedhjeve lokale te 8 Majit, dhe forcat politike nuk u ulen ta realizojne", u shpreh Kume. Ndaj sipas tij, me celjen e sesionit te ri parlamentar, puna duhet te nise me permiresimin e Kodit Zgjedhor, per sa kohe qe ky sesion mbyllet te enjten e ardhshme. "Une do te angazhohem personalisht per te vijuar tryezen per reformen zgjedhore. Do tu bej apel te gjitha forcave politike per te qene pjese e nje tryeze per reformen zgjedhore. Por ne kete grup duhet te bejne pjese edhe akademike e shoqeria civile, ne menyre qe Kodi Zgjedhor te jete sa me i mire dhe i plote", u shpreh Kume. Nga ana tjeter, ai pohoi se me celjen e diskutimeve ne shtator me reformen zgjedhore, mund qe t'i kerkohet fare mire edhe nje mendim Komisionit te Venecias per te dhene praktikat me te mira se si duhet te jete ligji zgjedhor. Po keshtu, Kume theksoi se paresore duhet te jene edhe perfshirja e rekomandimeve te OSBE/ODIHR ne permiresimet qe duhet t'i behen kodit. "Ky do te ishte rasti me i mire, per t'i marre nje mendim Komisionit te Venecias, ne menyre qe te aplikohen ne zgjedhjet e ardhshme parlamentare. Pervec Venecias, ndryshimet ne Kodin Zgjedhor duhet qe te diskutohen edhe me faktore te tjere ne vend, per te qene sa me te mira", vijoi ish kreu i KQZ-se. Ne tetor te vitit te kaluar, Kumes ju besua drejtimi i nje sekretariati qe lindi pas tryezes se zhvilluar per hartimin e projektit per permiresimin e Kodit Zgjedhor. Por ky sekretariat nuk funksionoi si duhet, pasi opozita nuk pranoi te jete pjese e tij, apo te ulet ne bisedime per permiresimin e Kodit Zgjedhor.

Kolegji, mbyllet odiseja per Tiranen

Vendimi i marre dje nga Kolegji Zgjedhor i Gjykates se Apelit, mbylli historine 2 mujore te debateve dhe diskutimeve per rezultatin e zgjedhjeve ne Tirane. Tashme ne kete organ nuk ka mbetur asnje kerkese qe do te vinte serish ne diskutim procesin apo fituesin ne bashkine me te debatuar ne vend. Gjate dy muajve, qershor dhe korrik, ne Kolegjin Zgjedhor u depozituan jo pak ankesa nga forcat politike qe kerkonin ndryshim te vendimeve te Komisionit Qendror te Zgjedhjeve per rezultatet, kryesisht te perqendruara ne kryeqytet, Bashkine e Tiranes.