Islami: "Misioni i Rames, percarja e se majtes"

Deputeti i Partise Socialiste, Kastriot Islami, deklaron se qendrimet e liderit te Partise Socialiste, Edi Rama nuk i kane sherbyer bashkimit te se majtes. Sipas tij, sjellja ndaj aleateve, mos analizimi i humbjeve dhe largimi i nje sere figurash te PS krijojne idene se qellimi i eshte percarja e se majtes dhe shkaterrimi i partise. "Duket se Edi Rama ka ardhur me nje mision, per te percare te majten dhe per ta shkaterruar Partine Socialiste. Ne PS mbizoteronte fryma liberale ne momentin kur Edi Rama u anetaresua dhe pa kete fryme e integritet demokratik ne ballafaqimin e ideve, lirine e shprehjes, Edi Rama nuk do kishte mundur te behej pjese e PS si dhe s'do kishte patur kurre shanse te zgjidhej kryetar i baskise", tha Islami. Sipas tij, eshte e pashpjegueshme qe pas tre humbjesh Rama nuk reflekton dhe kupton se pa bashkim te se majtes, nuk mund te kete fitore ne zgjedhje. "Jane tre humbje te se majtes. Une nuk e di ku eshte frika e Rames nga bashkimi i se majtes, por leksioni eshte shume i qarte. Rama duhet te dali nga pozicioni i mediokrit dhe pozicioni i inferioritetit", tha dje Islami ne nje interviste per "ABC News". Duke folur per mos bashkimin e se majtes, Islami ka theksuar se Rama kerkon mbajtjen e gjithe pushtetit per vete duke hedhur tezat, sipas tij absurde, per bashkim popullor. "Rama eshte nje mjeshter i marketingut dhe publicistikes, por vetem kaq. Une nuk kam degjuar nga ai asnje ide per ekonomine, apo gjera te tjera. Z. Rama nuk mundet sot, me nje nivel te dobet te arsyetimit aritmetik, te thote qe une do te beje nje bashkim me popullin", tha Islami. Deputeti socialist i eshte pergjigjur dhe deklarates se bere nga kreut i PS-se perjashtimin e tij nga partia. Islami ka renditur nje sere figurash se te majtes, qe jane "vete larguar" gjate drejtimit te selise roze nga Rama. "A eshte vete larguar Musa Ulqini, kryetari me i suksesshem i deges se Partise Socialiste te Tiranes, a eshte i vete larguar Servet Pellumbi, Rexhep Meidani, Edlira Haxhiymeri? Jo. Nuk jane vete larguar. Nuk ma pret mendja se mund te vete largohen figurat e PS-se nga partia e tyre. Ka qene Musa Ulqini qe i ka dhene teseren e anetaresimit Edi Rames. Dhe tani z.Ulqini nuk eshte ne Partine Socialiste", tha Islami. Ai ka theksuar se nuk do te largohet nga PS-ja, ndersa i ka cilesuar deklaratat e Rames ne adrese te tij, per "vete largimin" si ato te personazhit te njohur te letersise, Shvejk. "Une deklaroj ketu se nuk do te largohem nga Partia Socialiste. Qendrimet prej Shvejku, me bejne me te forte per te qendruar ne PS. Une e kam lidhur karrieren time me nje mandat deputeti si dhe si, sekretar per Ceshtjet Zgjedhore ne PS", tha Islami. Nga ana tjeter ai ka shtuar se ne deklaratat e fundit te kreut te PS-se, per levizjet politike te opozites, jane pranuar te gjitha pikat qe ai personalisht, por edhe deputete te tjere te PS-se, kane mbajtur gjate viteve te fundit, duke perfshire thyerjen e bojkotit dhe reformat per integrim. Deputeti socialist ka komentuar edhe idene e hedhur nga Partia Socialiste per ndryshimet kushtuese. Ai ka theksuar se shume eksperte ligjor ne PS kane qene kunder ketyre ndryshimeve ne vitin 2008, ndersa vet kreu i selise ka kembengulur per keto ndryshime. "Ka qene Rama vet qe eshte marre me ndryshimet kushtetuese dhe ka qene i bindur se keto nuk jane negative. Madje, disa e kane kundershtuar. Ekspertet ligjore, kane pasur rezerva per shpejtesine dhe menyren qe u bene dhe une vete kam qene ne kete pozicion", tha Islami. Ai ka folur dhe per kritikat qe ka marre nga eksponente te PS-se ne lidhje me shprehjen e qendrimeve kritike ndaj Rames ne publik. "Ne 2009, kur folem pas zgjedhjeve na thane; juve kishit eksperience, Rama s'kishte eksperience. Ju e kishit ne dore. Pse nuk folet me para, te na vinit ne dijeni, por folet pas pilafit? Tani qe flasim para na thone, pse flisni para. Nuk dime duhet para apo pas pilafit...", tha Islami.

Q.Xh