Kupa e Botes 2010, "loja e bukur" nuk e njeh krizen boterore
Aktore qe mbajne cmime "Oskar", shkrimtare me cmime "Nobel", sportiste me Medalje Ari, futbolliste kampione te medhenj qe kane lene gjurme dhe kane shkruar historine e futbollit boteror, personalitete politike do te jene ne qender te vemendjes para 200 milione njerezve, qe do t'i ndjekin direkt nga televizioni, per nje ore ne Kepjt Taun te Afrikes se Jugut, ku sot do te hidhet shorti i finaleve te Kupes se Botes 2010. Mbi 800 anetare te medieve te ndryshme do te jene te pranishem ne kete event, per te ndjekur hedhjen e shortit. Ceremonia e hedhjes se shortit do te prese aktoren e madhe, Sharliz Theron, apo lojtarin e shquar anglez, Devid Bekam. Tutu dhe Klerk jane te ftuar si perfaqesues te shquar te letrave, me cmime Nobel. Ish presidenti i Afrikes se Jugut dhe fituesi i cmimit "Nobel" per Paqen, Nelson Mandea, i cili ka luajtur nje rol te rendesishem per te sjelle finalet e Kupes se Botes ne Afrike, do te shperndaje nje mesazh special ne nje video, per te gjithe shikuesit. Sipas FIFA-s, shorti do te ndiqet direkt nga nje audience qe shkon deri ne 200 milione njerez ne te gjithe boten, nga tifoze ne 200 vende te ndryshme te botes. Kater vite me pare shorti per finalet e Kupes se Botes, qe u zhvillua ne Gjermani, pati nje audience te gjere. Ne 137 vende, ceremonia u ndoq nga mbi 130 milione njerez. Shfaqja e radhes pritet te jete gjithashtu spektakolare. Ekspertet jane duke analizuar faktin se Kupa e Botes shenon vazhdimisht rritje dhe interes ne bare globin, duke injoruar madje edhe krizen boterore te ekonomise. Para se gjithash, sipas tyre futbolli vazhdon te jete shume larg sporteve te tjera, teksa vazhdon te jete me popullori ne te gjithe planetin. Kur flitet per futbollin, Kupa e Botes eshte nje ngjarje qe mbetet ne histori. Nuk ka ende ngjarje me te ndjekur se finalet e Kupes se Botes. Me pas vijne Lojerat Olimpike si shfaqja me e madhe dhe me e ndjekur ne te gjithe boten. Sipas nje agjencie te specializuar per statistikat ne Angli, finalet e Kupes se Botes 2006 i ndoqen afro 5.9 miliarde shikues. Kjo shifer ndiqet me shikueshmerine e Lojerave Olimpike, qe per 17 dite ndoqen Boterorin me 4.7 miliarde shikues deri ne fund. Se dyti, Kupa e Botes eshte loja e bukur qe terheq tifoze kudo qe ata ndodhen. Sot do te percaktohen tete grupe, me 32 ekipe pjesemarrese. Nga data 11 qershor deri me 11 korrik, do te zhvillohen finalet e boterori afrikan. Kupa e Botes mbetet nje treg, ku vemendja e te gjithe globit perqendrohet si ne asnje event tjeter.