Kupa e Shqipërisë: Ikën Tomori nga të superligës, të tjerët vazhdojnë më tej
Të mërkurën u luajtën edhe ndeshjet e kthimit të turit të parë të Kupës së 60-të të Shqipërisë, pas së cilave u përcaktuan edhe skuadrat e kualifikuara për më tej. Kujtojmë se në këtë tur u përfshinë për herë të parë në këtë edicion edhe skuadrat e superligës, nga të cilat u largua Tomori, që u eliminua nga Luftëtari i kategorisë së parë. Të tjerat, pjesë përbërëse e superligës në sezonin 2011-2012, nuk patën asnjë problem, por do të vazhdojnë më tej në këtë kompetuicion. Sa u takon rezultateve, bie në sy fitorja e thellë, në shifra tenistike e Flamurtarit ndaj Bilisht Sportit, ashtu sikurse edhe ajo e Laçit ndaj Skraparit, me shifrat 8-2. Thellësisht ka fituar edhe Tirana ndaj Himarës, 7-1, por edhe Shkumbini ndaj Burrelit, 7-0. E vetmja ndeshje e kthimit, që nuk u luajt të mërkurën, ishte ajo e Korçës, mes Skënderbeut vendas dhe Tërbunit, për shkak se nuk udhëtoi skuadra pukjane, për shkak të largësisë gjeografike. Për pasojë, ajo që pritet, është fitorja 3-0 e korçarëve në tavolinë, të cilët vijojnë më tej. Para një jave u lajtën ndeshjet e para të këtij turi, në të cilin merrnin pjesë 32 skuadra, të ndara në 2 grupe, A dhe B. Për të vijuar më tej në Kupën e Shqipërisë janë kualifikuar tashmë 16 skuadra, të cilat do të hidhen në short i lirë për të përcaktuar 4 grupet e turit pasardhës. Java e parë e ndeshjeve në grupe do të luhet më 19 tetor. 2 të parat e çdo grupi kualifikohen për në turin pasardhës, ku sërish skuadrat ndahen në dy grupe. Sërish kualifikohen 2 të parat e çdo grupi, që luajnë në gjysmëfinale (short i lirë). Finalja e Kupës së 60-të të Shqipërisë luhet më 17 maj. Ja dhe rezultatet teknike të ndeshjeve të turit të parë të Kupës (në kllapa janë rezultatet e ndeshjeve të para).
GRUPI A
Skënderbeu Tërbuni 3-0 (2-1)
Gjyqtar: E.Demiraj
Vllaznia Butrinti 2-0 (3-2)
Gjyqtar: R.Pjetrushi
Tirana – Himara 7-1 (3-0)
Gjyqtar: S.Greca
Kastrioti – Gramshi 2-1 (2-1)
Gjyqtar: O.Sokoli
Shkumbini – Burreli 7-0 (1-2)
Gjyqtar: F.Xhemalaj
Pogradeci – Ada 2-0 (2-1)
Gjyqtar: E.Kello
Kamza – Lushnja 1-0 (1-2)
Gjyqtar: I.Zhuli
Besa – Besëlidhja 2-0 (2-0)
Gjyqtar: A.Koçi
GRUPI B
Flamurtari – Bilisht S. 11-0 (4-1)
Gjyqtar: G.Ruçi
Laçi – Skrapari 8-2 (3-0)
Gjyqtar: E.Qerimaj
Bylis – Iliria 1-1 (6-1)
Gjyqtar: E.Halo
Teuta – Kukësi 3-1 (1-1)
Gjyqtar: A.Kamberaj
Dinamo – Vlora 3-0 (3-0)
Gjyqtar: P. Lapi
Tomori – Luftëtari 0-0 (0-1)
Gjyqtar: H.Llapra
Apolonia – Gramozi 3-1 (5-1)
Gjyqtar: G.Nora
Elbasani-Mamurrasi 3-1 (0-1)
Gjyqtar: B.Kaimi