Kushner: Ballkani duhet të jetë pjesë e BE-së

Ministri i jashtëm francez, Bernard Kushner, tha se qëndrimi i Francës është që "të gjitha vendet e Ballkanit duhet të bëhen anëtare të Bashkimit Europian". "Mbesin pengesa për këtë çështje, por qëndrimi ynë politik është shumë i qartë", theksoi kryediplomati francez në Paris, pas takimit që zhvilloi me ministrin e jashtëm të Serbisë, Vuk Jeremic. Ministri Kushner u shpreh se Marrëveshja e Lisbonës, e cila së shpejti do të bëhet e plotfuqishme, kërkon qëndrim unik për anëtarësim të vendeve të tjera në Bashkimin Europian. Por, ndër të tjera, në deklaratën e tij, Kushner u shpreh se Serbia, e cila sipas tij qartas duhet të jetë anëtare e BE-së", duhet të bëjë përpjekje për arrestimin e të akuzuarit për krime të luftës, Ratko Mlladic. "Vetë fakti se ai nuk është ndaluar ende" tregon se Serbia nuk ka bërë aq sa duhet në këtë aspekt, tha Bernar Kushner.