Kutite, KQZ nis asgjesimin e fleteve Rozeta Rapushi
Nis procedura e hapjes se kutive te votimit dhe djegieve te fleteve te votimit. Qe ne oret e para te dites se djeshme, pas nje trajnimi paraprak prane godines se KQZ-se, Komisioni Pergjegjes per hapjen e kutive te votimit, nisi nga puna per hapjen e kutive te votimit te 28 qershorit 2009. Anetaret e komisionit u nisen drejt fshatit Lunder, ne periferi te kryeqytetit. Aty gjenden magazinat ku ruhen aktualisht kutite e zgjedhjeve, per t'i transportuar ato mandej drejt ketij institucioni. Sipas vendimit te marre nga KQZ ne daten 29 dhjetor 2010, me hapjen e kutive, materialet zgjedhore do te dergohen ne Arkivin Qendror te Shtetit, ndersa fletet e votimit do te digjen. Grupi i punes, nisi fillimisht nga puna me seleksionimin dhe arkivimin e materialeve zgjedhore dhe vecimin e fleteve te votimit. Ende po punohet me sistemimin e dokumentacionit per te proceduar me pas per djegien e fleteve. Proces qe ndoshta nis nga fillim i javes se ardhshme, diten e hene. "Fillimisht behet inventarizimi i materialeve zgjedhore dhe me pas mbushja e thaseve. Pas mbushjes se thaseve do te kryhet djegia e fleteve te votimit ne Sharre", tha Ristani. Aktualisht jane 50 persona qe po merren me kete proces pune dhe ata do te realizojne detyren dhe zbatimin e nenit 178 te Kodit Zgjedhor, deri ne daten 5 mars te ketij viti, ku pritet te perfundoje gjithcka. Per kreun e KQZ-se, Arben Ristani, "kjo eshte procedure rutine dhe behet pas cdo procesi elektoral, por mori kete here nje vemendje te madhe te opinionit publik, per shkak te situates se ngarkuar politike". Vendimi per kete proces u more nga KQZ me 29 dhjetor te vitit te kaluar. Ne ditet e fundit te dhjetorit, Komisioni Qendror i Zgjedhjeve vendosi djegien e fleteve te votimit dhe lirimin e kutive per zgjedhjet e pushtetit lokal me 8 maj 2011. Me 29 dhjetor, KQZ, vendosi se duke qene se afatet per animimet, per keto zgjedhje kane perfunduar, duhet te realizohet hapja e kutive te votimit dhe kutive te materialeve zgjedhore, si dhe seleksionimi i dokumentacionit dhe materialit zgjedhor te gjetur brenda tyre, si detyrim ligjor, ne perputhje me percaktimet e nenit 178 te Kodit Zgjedhor. Duke qene se eshte i domosdoshem berja e projektbuxhetit per zgjedhjet e ardhshme te pushtetit lokal me 8 maj 2011. Kryetari i KQZ-se me urdher te brendshem, ngriti komisionin per hapjen e kutive te votimit dhe asgjesimin. Ky komision, do te jete pergjegjes per seleksionimin dhe administrimin e dokumentacionit zgjedhor te parashikuar ne nenin 178, pika 6 te Kodit Zgjedhor, i cili do t'i dergohet Arkivit Qendror te Shtetit, seleksionimin e materialeve qe mund te riperdoren si dhe per procesin e djegies se fleteve te votimit dhe kunderfleteve. Ne perfundim te hapjes se kutive te votimit dhe kutive te materialeve zgjedhore te nje njesie zgjedhore, punonjesi qe do te kryeje kete procedure, harton nje procesverbal. Ne perfundim te procesit te hapjes se kutive te votimit, Komisioni per hapjen e kutive te votimit, harton nje raport dhe ia paraqet KQZ-se.