Kuvendi i Kosovës, seancë të jashtëzakonshme për bisedimet me Serbinë

Kuvendi i Kosovës, i mbledhur në një seancë të jashtëzakonshme, po diskuton në këto momente për marrëveshjet e arritura në dialogun Kosovë – Serbi. Seanca e jashtëzakonshme është kërkuar nga tri partitë kryesore opozitare: LDK, Vetëvendosja dhe AAK-ja. Opozita, marrëveshjet i ka cilësuar të papranueshme dhe që cenojnë sovranitetin e Kosovës. Në një deklarim të tij para seancës, kryeministri Thaçi i ka cilësuar këto vetëm si konkluzione të dialogut dhe jo si marrëveshje.