Kuvendi, nis aprovimi i 50 ligjeve
Kuvendit brenda tre muajve i duhet të shqyrtojë mbi 50 projektligje të miratuara vetëm gjatë sezonit të verës nga ana e qeverisë “Berisha 1”. Vetëm 20 projektligje janë ratifikim i marrëveshjes. Nga “mali” i projektligjeve të qeverisë, njëzet të tilla janë të natyrës ekonomike. Kështu në të bëjnë pjesë ato nisma që cilësohen si pjesë e paketës fiskale. Këto ndryshime u ndërmorën nga qeveria në datën 8 korrik, një javë pas zgjedhjeve parlamentare të 28 qershorit. Ndryshimin më të madh të akcizës e kanë kafeja dhe pijet alkoolike. Sipas projektligjit, i cili do të bëhet ligj dhe do të hyjë në fuqi pas votimit, ndryshimin më të madh e ka akciza e pijeve alkoolike me një rritje nga 70-100 lekë për litër. Kështu, pijet e forta alkoolike, mbi 12 për qind alkool do të paguajnë 220 lekë për litër akcizë, nga 150 lekë që paguanin aktualisht. Kjo për prodhuesit me sasi deri në 20 mijë holitra në vit. Për prodhuesit mbi këtë sasi, akciza bëhet 300 lekë/litër, nga 200 lekë për litër që është aktualisht. Gjithashtu Kuvendi pritet të shqyrtojë dhe të miratojë ndryshimet për taksimin e makinave të lojërave të fatit. Pjesë e shqyrtimit të Kuvendit do të jenë “Disa ndryshime në buxhetin e vitit 2009”, si dhe “miratimi i buxhetit faktik të vitit 2008”.
projektligjet ne kuvend
n “Për miratimin e buxhetit faktit të shtetit 2008” Parashikon miratimin e të ardhurave faktike dhe shpenzimeve të kryera gjatë vitit të kaluar
n “Për disa ndryshime në ligjin “Për buxhetin e vitit 2009”, Parashikon ndryshime në buxhetin fillestar të miratuar për këtë vit
n “Për disa shtesa dhe ndryshime në ligjin e Legalizimit, integrimit dhe ndërtimeve pa leje”, parashikon ndryshimin e procedurave të legalizimit të trojeve përdorimin e boneve të privatizimit
n “Për profesionet e rregulluara në Republikën e Shqipërisë”, parashikon vendosjen e provimit shtetëror për disa profesione
n “Për shfuqizimin e ligjit nr. 8430/1 “Për rregullimin e pasojave që kanë rrjedhur nga zbatimi i dekretit nr.204, “Për pasurinë e sindikatave” Parashikon ndryshimin e pronësisë mbi objeket e dhëna sindikatave
n “Për mbrojtjen e dëshmitarëve dhe të bashkëpunëtorëve të drejtësisë”, parashikon mbrojtjen me ligj nga kërcënimi apo frikësimi i dëshmitarëve gjatë dëshmisë së tyre
n “Për ndryshime dhe shtesa në ligjin e koncesioneve”, parashikon krijimin e Agjencisë së Koncesioneve
n “Për ndryshim në ligjin e taksave kombëtare”, parashikon vendosjen e tarifave për certifikatat në bashki dhe komuna
n “Për disa ndryshime në ligjin për ndihmën shtetërore”, parashikon ndihmë për ndërmarrjet e vogla dhe të mesme që eksportojnë në sektorin e prodhimit
n “Për fondet e pensionit vullnetar”, parashikon krijimin e insituteve private të pensionit vullnetar
n “Për disa ndryshime në barrën siguruese” për sigurinë e vendosur për transaksionet për mjetet e lëvizshme
n “Për procedurat tatimore”, parashikon rimbursimin e TVSH-së të personave me tepricë tatimore
n “Për tatimin mbi vlerën e shtuar”, parashikon heqjen e TVSH-së për importin për shtypshkrimet dhe librave
n “Për akcizat”, ndryshime taksave për prodhimet e mallrave të ndryshme
n “Për lojërat e fatit”, rivendosje të tarifave të makinave elektronike të lojërave të fatit
n “Për strategjinë e privatizimit të sektorëve me rëndësi të veçantë”, heqjen e INSIG dhe bankave të nivelit të dytë si sektorë të veçantë
n “Për përcaktimin e formulës së privatizimit të INSIG sha”, përcaktohet skema e privatizimit në masën 100% të kësaj shoqërie
n “Për daljen në pension të punonjësve të nëntokës”, caktimin e moshës së pensionit në moshën 60 vjeç për minatorët
n “Për aderimin e Shqipërisë në konventën e Patentave Evropiane”, parashikon njohjen e mallrave shqiptare në vendet e BE-së
n “Për detergjentët”, parashikon shitjen e prodhimit të lëndëve larëse sipas parametrave dhe direktive të vendosura nga KE-ja
n “Për sistemin e taksave vendore”, vendosjen e çmimeve të reja për tabelat dhe reklamat në rrugë dhe lokale
n “Për obligacionet e shoqërie aksionere dhe qeverisjes vendore”
n “Për ratifikimin e marrëveshjes së themelimit të Korporatës Islamike për Sigurimin e Investimeve dhe të Kredive të Eksportit”, aderimi i Shqipërisë në Bankën e Investimeve dhe Kredive
n “Për kornizën shqiptare të kualifikimeve” për çështjet e kualifikimit në sistemin arsimor
n “Për ndryshime në ligjin për sektorin e Energjisë Elektrike”
n “Për autoritetin rrugor”, krijimi i institucionit të posaçëm për menaxhimin e rrugëve
n “Për ratifikimin e marrëveshjes mes Shqipërisë dhe Greqisë, për delimitimin e zonave të tyre të shefit kontinental dhe zonave të tjera detare”, caktimi i kufijve territorialë mes dy vendeve