LSI: Ka ardhur koha të fillojë puna për reformën zgjedhore

Lëvizja Socialiste për Integrim vlerëson se ka ardhur momenti që palët politike, të ulen dhe të fillojë përgatitjet për zgjedhjet e ardhshme vendore. Sekretari i Komisionit për Reformën Zgjedhore dhe çështjet Ligjore në LSI, Spartak Braho tha sot se ndryshimet në kod duhet të përfshijnë çështje që kanë të bëjnë me problemet që u hasën gjatë zgjedhjeve të fundit. Ai deklaroi gjithashtu se tryeza e partive politike nuk duhet të fokusohet vetën më subjektet politike që janë aktualisht në Kuvend, por edhe në subjektet që janë jashtë tij dhe që u penalizuan nga zgjedhjet e vitit të kaluar.