LSI-ja deklaron voten pro buxhetit bashkiak

Kur kishin kaluar vetem disa ore nga deshtimi i mbledhjes se Keshillit Bashkiak te Korces, ne te cilin nuk munguan as debatet e forta midis kreut te bashkise dhe kreut te grupit te keshilltareve te LSI, ka qene ky i fundit qe ka deklaruar voten pro buxhetit. Ne nje komunikim me mediat, Riza Ashimi u shpreh se, "ne mbledhjen e ardhshme te Keshillit Bashkiak, 3 keshilltaret e LSI-se do te votojne pro buxhetit per vitin 2009". Sipas tij, "votat pro buxhetit, do t'u sherbejne qytetareve dhe investimeve te rendesishme ne infrastrukture dhe fushen sociale, per te cilat Korca ka aq shume nevoje". Keshilli Bashkiak perbehet nga 35 anetare, ku 17 prej tyre i perkasin forcave te djathta, ndersa 18 i perkasin te majtes. Nga keto LSI ka 3 keshilltare, PAD ka nje keshilltar, po ashtu nje keshilltar ka edhe PSD, ndersa PS ka 13 keshilltare. Per te miratuar buxhetin, kreut te bashkise i duhen 18 vota, qe do te thote se te pese votat e aleateve, jane shume te cmuara.