LSI, më 14 maj miting te sheshi "Skënderbej"
18/04/2005 "Sheshi nuk është pronë vetëm e PS dhe PD"
Partia Lëvizja Socialiste për Integrim do të zhvillojë më 14 maj një miting në sheshin "Skënderbej", në Tiranë. Sipas zyrës së shtypit të LSI-së, mitingu është kërkuar prej vetë elektoratit të kësaj partie. Ndërsa është theksuar se "në këtë datë do të tregohet se sheshi "Skënderbej" nuk është vetëm pronë e Partisë Socialiste dhe e Partisë Demokratike". Gjithashtu është bërë e ditur se gjatë mitingut, krerët e Lëvizjes Socialiste për Integrim do të bëjnë prezantimin e 12 kandidatëve, që do të ketë kjo parti për zgjedhjet parlamentare të kësaj vere. Ky do të jetë dhe takimi i parë i LSI-së në një nga sheshet më të mëdhenj në Tiranë. Zyra e shtypit e LSI-së bën të ditur se kanë nisur përgatitjet që më datën 14 të marrë pjesë një numër i madh mbështetësish. Në këtë deklaratë, kjo zyrë është mbështetur dhe në faktin se vetëm për zgjedhjen e kryetarit të kësaj partie kanë marrë pjesë rreth 24 mijë anëtarë. Ndërsa në shesh do të jetë një numër i madh dhe nga fakti se për të marrë pjesë nuk duhet tesera e partisë. Gjithsesi, është theksuar se ky do të jetë vetëm takimi i parë, pasi LSI ka parashikuar dhe të tjerë mitingje.
Partia Lëvizja Socialiste për Integrim do të zhvillojë më 14 maj një miting në sheshin "Skënderbej", në Tiranë. Sipas zyrës së shtypit të LSI-së, mitingu është kërkuar prej vetë elektoratit të kësaj partie. Ndërsa është theksuar se "në këtë datë do të tregohet se sheshi "Skënderbej" nuk është vetëm pronë e Partisë Socialiste dhe e Partisë Demokratike". Gjithashtu është bërë e ditur se gjatë mitingut, krerët e Lëvizjes Socialiste për Integrim do të bëjnë prezantimin e 12 kandidatëve, që do të ketë kjo parti për zgjedhjet parlamentare të kësaj vere. Ky do të jetë dhe takimi i parë i LSI-së në një nga sheshet më të mëdhenj në Tiranë. Zyra e shtypit e LSI-së bën të ditur se kanë nisur përgatitjet që më datën 14 të marrë pjesë një numër i madh mbështetësish. Në këtë deklaratë, kjo zyrë është mbështetur dhe në faktin se vetëm për zgjedhjen e kryetarit të kësaj partie kanë marrë pjesë rreth 24 mijë anëtarë. Ndërsa në shesh do të jetë një numër i madh dhe nga fakti se për të marrë pjesë nuk duhet tesera e partisë. Gjithsesi, është theksuar se ky do të jetë vetëm takimi i parë, pasi LSI ka parashikuar dhe të tjerë mitingje.