LSI: në Konventë PS dhe PSD janë me statusin e të ftuarit
04/04/2005 "Nuk ka ekip monitorimi nga internacionalja për Konventën e Partisë"
Lëvizja Socialiste për integrim, ka hedhur poshtë lajmet se prej Internacionales Socialiste është organizuar një grup pune, që do të monitorojë zhvillimet në Konventën e LSI-së. Sipas zyrës së shtypit të LSI-së, "lajmet mbi ndonjë ekip monitorimi apo vëzhgimi, janë thjesht spekullime që vijnë nga ato grupime politike te kompleksuara, që e kanë patur qëllim në vetvete, anëtarësimin formal në forume ndërkombëtare, por që realisht kanë dështuar dhe janë përgjegjëse për bllokimin e integrimit të Shqipërisë në Europë". I pyetur mbi një lajm për një delegacion vëzhgimi të Konventës së LSI-së, nga përfaqësues të Partisë Socialiste dhe të Partisë Socialdemokrate të Shqipërisë, zëdhënësi i LSI-së sqaroi se, përfaqësuesit e PSD-së dhe PS-së janë ftuar të marrin pjesë në Konventën Kombëtare të LSI-së, e cila do të mbahet në datat 5 dhe 6 Prill, ashtu siç janë ftuar të gjithë partitë e tjera parlamentare shqiptare. "Të gjitha partitë që do të marrin pjesë në Konventë janë me statusin e të ftuarit", tha ai. Ndërsa në një deklaratë të dhënë për shtypin, është sqaruar se Konventa Kombëtare e LSI-së është e hapur për t’u monitoruar nga i gjithë opinioni publik shqiptar dhe ndërkombëtar si dhe krejtësisht transparente ndaj medias. Gjithsesi, është theksuar se LSI ka ftuar një sërë partish të majta që të marrin pjesë në Konventën e parë të kësaj partie me statusin e të ftuarit. Madje, një ftesë e tillë është cilësuar dhe si ftesa e parë për afrimin mes dy partive që kanë deklaruar se nuk do të bashkëpunojnë në asnjë formë në fushatën parazgjedhore.
Lëvizja Socialiste për integrim, ka hedhur poshtë lajmet se prej Internacionales Socialiste është organizuar një grup pune, që do të monitorojë zhvillimet në Konventën e LSI-së. Sipas zyrës së shtypit të LSI-së, "lajmet mbi ndonjë ekip monitorimi apo vëzhgimi, janë thjesht spekullime që vijnë nga ato grupime politike te kompleksuara, që e kanë patur qëllim në vetvete, anëtarësimin formal në forume ndërkombëtare, por që realisht kanë dështuar dhe janë përgjegjëse për bllokimin e integrimit të Shqipërisë në Europë". I pyetur mbi një lajm për një delegacion vëzhgimi të Konventës së LSI-së, nga përfaqësues të Partisë Socialiste dhe të Partisë Socialdemokrate të Shqipërisë, zëdhënësi i LSI-së sqaroi se, përfaqësuesit e PSD-së dhe PS-së janë ftuar të marrin pjesë në Konventën Kombëtare të LSI-së, e cila do të mbahet në datat 5 dhe 6 Prill, ashtu siç janë ftuar të gjithë partitë e tjera parlamentare shqiptare. "Të gjitha partitë që do të marrin pjesë në Konventë janë me statusin e të ftuarit", tha ai. Ndërsa në një deklaratë të dhënë për shtypin, është sqaruar se Konventa Kombëtare e LSI-së është e hapur për t’u monitoruar nga i gjithë opinioni publik shqiptar dhe ndërkombëtar si dhe krejtësisht transparente ndaj medias. Gjithsesi, është theksuar se LSI ka ftuar një sërë partish të majta që të marrin pjesë në Konventën e parë të kësaj partie me statusin e të ftuarit. Madje, një ftesë e tillë është cilësuar dhe si ftesa e parë për afrimin mes dy partive që kanë deklaruar se nuk do të bashkëpunojnë në asnjë formë në fushatën parazgjedhore.