"Lamtumirë Tani dhe Faleminderit!"
Në varrin e Dritan Hoxhës, dje ka pasur shumë lule dhe kurora të vendosura nga familja, miqtë, bashkëpunëtorët dhe politikanët. Fjalën e fundit para trupit të tij të pajetë e ka mbajtur Drejtori i Përgjithshëm i "Top Media"-s, Enkelejd Joti, i cili tha:
"Dritan Hoxha ishte shoku, vëllai, babai dhe prindi i dashur, tashmë i munguar për të gjithë ne. Që nga hiçi krijoi mrekullinë që quhet ‘Top Channel‘. Që nga ai moment u njoh nga e gjithë Shqipëria si Tani i Top-it, një njeri energjik dhe shpërthyes, gjeni unik, që më pas krijoi mrekullira të tjera: ‘DigitAlb‘, ‘Top Gold‘, gazetën ‘Shqip‘.
Në sfidë me realitetin e këtushëm, por në radhë të parë dhe gjithmonë në sfidë me veten. Por, Dritan Hoxha sot nuk është më. Nuk është në radhë të parë, për nënë Zyranë, që e rriti me aq halle, nuk është për gruan, shoqen, partneren e tij të shkëlqyer, Vjollcën, nënë e katër fëmijëve të mrekullueshëm. Dritan Hoxha, që sot e tutje do të jetë babai i munguar i Lorit, Sarës, Redias dhe Itanit. Itani i vogël nuk e ka më babain që i dha jetën dhe emrin. Dritani do të na mungojë të gjithëve, mijëra bashkëpunëtorëve dhe kolegëve, me të cilët nuk krijoi asnjëherë dot marrëdhënie zyrtare, por i konsideroi të gjithë si familjen e tij. Dritani kishte zemrën e madhe dhe aty kishte vend për të gjithë. Dritan Hoxha ishte gjeniu, por si të gjithë gjenitë edhe ai e pati jetën të shkurtër. Sot ne do të jepnim të gjithë krijimet e tij, në krijim të një shpikjeje të fundit, që atë ta kthente në mes tonë, qoftë edhe për një minutë të vetëm. Por kjo është e vetmja shpikje që Tani nuk e bëri dot. Ajo që mund të bëjmë ne tani për Tanin është e thjeshtë, por dhe shumë e vështirë, tani na del detyra të mbajmë dhe të zhvillojmë ato që ai la pas dhe Dritan Hoxha nuk ka lënë pak. Mirënjohja dhe respekti i pakufi për vëllain, shokun, drejtuesin dhe bashkëpunëtorin shprehet pikërisht kështu, duke vazhduar suksesin e tij. Natyrisht siç na mungoi Tani fizikisht, do të na mungojë edhe këshilla e tij dhe kjo nuk është pak, është pjesë e asaj që ka ndodhur, se Dritan Hoxha nuk jeton më. Ndaj na mbetet vetëm t‘i themi Tanit tonë Lamtumirë dhe Faleminderit"!
"Dritan Hoxha ishte shoku, vëllai, babai dhe prindi i dashur, tashmë i munguar për të gjithë ne. Që nga hiçi krijoi mrekullinë që quhet ‘Top Channel‘. Që nga ai moment u njoh nga e gjithë Shqipëria si Tani i Top-it, një njeri energjik dhe shpërthyes, gjeni unik, që më pas krijoi mrekullira të tjera: ‘DigitAlb‘, ‘Top Gold‘, gazetën ‘Shqip‘.
Në sfidë me realitetin e këtushëm, por në radhë të parë dhe gjithmonë në sfidë me veten. Por, Dritan Hoxha sot nuk është më. Nuk është në radhë të parë, për nënë Zyranë, që e rriti me aq halle, nuk është për gruan, shoqen, partneren e tij të shkëlqyer, Vjollcën, nënë e katër fëmijëve të mrekullueshëm. Dritan Hoxha, që sot e tutje do të jetë babai i munguar i Lorit, Sarës, Redias dhe Itanit. Itani i vogël nuk e ka më babain që i dha jetën dhe emrin. Dritani do të na mungojë të gjithëve, mijëra bashkëpunëtorëve dhe kolegëve, me të cilët nuk krijoi asnjëherë dot marrëdhënie zyrtare, por i konsideroi të gjithë si familjen e tij. Dritani kishte zemrën e madhe dhe aty kishte vend për të gjithë. Dritan Hoxha ishte gjeniu, por si të gjithë gjenitë edhe ai e pati jetën të shkurtër. Sot ne do të jepnim të gjithë krijimet e tij, në krijim të një shpikjeje të fundit, që atë ta kthente në mes tonë, qoftë edhe për një minutë të vetëm. Por kjo është e vetmja shpikje që Tani nuk e bëri dot. Ajo që mund të bëjmë ne tani për Tanin është e thjeshtë, por dhe shumë e vështirë, tani na del detyra të mbajmë dhe të zhvillojmë ato që ai la pas dhe Dritan Hoxha nuk ka lënë pak. Mirënjohja dhe respekti i pakufi për vëllain, shokun, drejtuesin dhe bashkëpunëtorin shprehet pikërisht kështu, duke vazhduar suksesin e tij. Natyrisht siç na mungoi Tani fizikisht, do të na mungojë edhe këshilla e tij dhe kjo nuk është pak, është pjesë e asaj që ka ndodhur, se Dritan Hoxha nuk jeton më. Ndaj na mbetet vetëm t‘i themi Tanit tonë Lamtumirë dhe Faleminderit"!