Leksion demokracie nga Dukati

NgaBLENDI KAJSIU

Realiteti i hidhur sot eshte sesa me shume ne i afrohemi Europes sa me...

shume demokracia jone konsolidohet aq me apatik dhe indiferent behet qytetari shqiptar perballe abuzimit arrogances dhe arbitraritetit te pushtetit. Vendimet e qeverise per importim plehrash per ngritje tecesh me qymyr prane qendrave te banuara per dhenien e Shqiperise me 1 euro per ngritje qendrash demontimi qe hedhin ne ere banoret perreth per shembje piramidash hasin ne rezistence te paket qytetare. Disa perjashtimeve pozitive sic ishte rasti i aleances qytetare per mbrojtjen e gjirit te Vlores tashme duken mjaft te largeta.
Per kete arsye Dukati eshte sot nje shembull rezistence qe ngjall shprese. Qendresa e dukatasve te ben te besosh se perdorimit te pushtetit per interesa te ngushta mund ti vendosen kufij. Se qeveria nuk mund ta perdore Shqiperine si placke private per te kenaqur klientelat e saj te brendshme apo te huaja. Ne thelb levizja e Dukatit eshte nje qendrese ku komuniteti lokal i kerkon pushtetit njohjen e te drejtes se pronesise shekullore dhe konsultimin me te per investimet qe do kryhen ne nje zone me te cilen ata jane te lidhur prej shekujsh.
Si rrallehere ne Shqiperine e sotme ku mungon organizmi komunitar dukatasit jane mbledhur bashke ne kuvend lokal. Te rinjte dhe te vjeterit jane mbledhur dhe kane kuvenduar bashke ne menyre te hapur dhe demokratike. Jane organizuar ne komitete te rinjsh dhe te vjeterish kane derguar peticione dhe kerkesa ne pushtetin vendor dhe ate qendror dhe vetem pas injorimit te vazhdueshem te tyre jane hedhur ne protesta te cilat jane pershkallezuar gradualisht perballe shurdherise se pushtetit qendror. Kemi te bejme me nje qendrese sa te organizuar aq edhe demokratike.
Fatkeqesisht ky dimension i qendreses se Dukatit shpesh ne kronikat mediatike portretizohet si dhune anarki rebelim dhe per pasoje de-legjitimohet. Nderkohe kerkesat e dukatasve dhe injorimi i tyre nga pushteti qendror pothuajse nuk trajtohen fare mediatikisht. Shikuesi i thjesht nuk arrin te kuptoje arsyet se perse protestojne dukatasit kerkesat e tyre per njohjen e pronesise mbi kullotat e Karaburunit qe ato i kane pasur ne zoterim prej shekujsh injorimin qe qeveria aktuale demokrate dhe ato te meparshme socialiste i kane bere kerkesave te dukatave qe me se fundi i kane cuar ata drejt protestave. Ne vend te tyre shikojme perplasje me policine kronika arrestimesh apo seancash gjygjesore.
Ne keto kushte eshte e lehte te mos kuptosh rendesine e asaj qe po ndodh sot ne Dukat.
Sot ne Dukat po perplasen ballazi interesat e nje komuniteti lokal qe jeton aty prej shekujsh me planet e nje pushteti qendror i cili zonat strategjike te Shqiperise i trajton si placke per te kenaqur klientela te brendshme apo te jashtme pa perfillur komunitetin lokal. Keshtu qeveria jone i ve ne dispozicion nje pjese te Karaburunit
investitoreve italiane pa marre mundimin te konsultohet me komunitetin e Dukatit qe eshte i lidhur me te prej shekujsh pa marre parasysh pretendimet e tyre per kullotat qe prej shekujsh ata i kane aty. Kuptohet ne shkembim qeveria merr mbeshtetjen e shumedeshiruar nga jashte per te na thene se ne na do Europa.
Sipas se njejtes logjike edhe klientela e brendshme do perfitoje nga shpallja zone strategjike e perlave te bregut si Karaburuni. Dikush do ngreje nje hotel dikush nje fshat turistik dhe te gjithe se bashku do financojne fushaten elektorale te forces ne pushtet ose lideret e saj. Banoret e zones qe brez pas brezi kane qene te lidhur me token mbetet te punesohen tek klientela e brendshme apo e jashtme e pushtetit.
Ky eshte pra thelbi i qendreses qe po ndodh sot ne Dukat. Jo dhuna jo seancat gjygjesore dhe aq me pak perplasja me policine. Qendresa ne Dukat eshte sa demokratike aq edhe parimore. Ajo eshte nje qendrese ndaj nje modeli zhvillimi ku te paret fitojne ata qe jane prane pushtetit dhe i fundit komuniteti qe ka te drejten shekullore mbi zonen. Ky eshte leksioni i demokracise qe na ofron Dukati sot. Natyrisht eshte nje leksion qe elitat mediatike politike dhe te biznesit prane pushtetit ne Tirane nuk duan ta kuptojne dhe nuk duan ta shohin. E megjithate dot nuk e fshehin as me polici as me gjykata dhe as me media.