Lesi: Lufta ndaj mafies, të fillojë në Kuvend

Kryetari i Lidhjes Demokristiane të Shqipërisë, Nikollë Lesi, gjatë një takimi elektoral në komunën e Zejmenit në Lezhe, deklaroi se, shteti duhet ta nisë luftën fillimisht ndaj mafies, korrupsionit dhe drogës në Parlamentin e Shqipërisë, pasi sipas tij aty janë kapot e krimit. Duhet me çdo kusht që prokuroria dhe drejtësia të hetojnë, sepse kapot e krimit janë në Parlament. Duhen bërë arrestimet në Parlament, sepse kështu duhet të funksionojë drejtësia shqiptare, ka deklaruar Lesi. Në këtë zonë, Lesi paraqiti programin elektoral të Lidhjes Demokristiane.