Lesi: Shëngjini, porti i Veriut

 

Kreu i LDK-së, Nikollë Lesi, zhvilloi dje një takim me strukturat që merren me organizimin e fushatës së tij në qarkun e Lezhës, ku u kërkoi që stafi i tij teknik të përcaktojë prioritetet e zonës bregdetare Shëngjin-Tale-Patok. Në lidhje me portin e Shëngjinit, Lesi theksoi se duhet të insistohet nga qeveria që të nxisë qeverinë e Kosovës për të filluar sa më shpejt investimet dhjetëra milionë euro në këtë port, i cili pritet që në tre vite të jetë port për gjithë veriun e kombit shqiptar. Lesi kërkoi gjithashtu që zona e Tales në Bregun e Matit, mbi 50 ha tokë buzë detit e paprekur nga ndërtimet pa leje, të hartohet masterplani nga KKRTSH, ku ndërtimet të jenë ndërtesa jo më shumë se katër kate në pjesën poshtë rrugës së asfaltuar.