Leter Shkecesise se Saj Zojes Topalli
Fort e nderuar Kryetare e Kuvendit
Po ju drejtohem me kete leter ne gjuhen tuaj per te kuptuar motivin e vendimit te djeshem te Byrose se Kuvendit ne lidhje me masat disiplinore te marra lidhur me seancen e djeshme parlamentare.
Nga deputetet e PD qe vijne shpesh ne zyren time e ce me cojne SMS te shpeshta jam njoftuar se jam perjashtuar nga punimet e Komisioneve Parlamentare dhe seancat per nje periudhe 15-ditore. Kete lajm pata rastin ta konfirmoj edhe nga edicionet informative ne mediat televizive si dhe nga njoftimi ne facen e internetit te Kuvendit.
Sipas njoftimit une jam perjashtuar si pjesetar i nje grupi te vogel deputetesh ce ushtruan dhune te papare shkelen Kushtetuten dhe ligjin kercenuan jeten e deputeteve te tjere dhe ushtruan dhune fizike ndaj tyre.
Duke cene se personalisht nuk kam konsumuar asnje nga parashikimet e Rregullores se Kuvendit per te legjitimuar perjashtimin tim per 15 dite nga punimet e komisioneve dhe seancave plenare si dhe duke konsideruar se kjo eshte nje ceshtje mjaft e rendesishme po ju drejtohem per te mesuar prej Jush personalisht arsyet e kesaj mase disiplinore qe eshte marre ndaj meje.
Shpreh bindjen me te thelle dhe besimin e plote se po i mesova prej jush keto arsye do kem mesuar njeheresh dhe arsyet e shtate deputeteve propozues duke me kursyer keshtu kohe te vyer te takoj deputetet e PD ce vijne shpesh ne zyren time apo leke te teperta per SMS qe shkembej me ta.
Ne kete aspekt e ndjej detyre tju shpjegoj se une nuk i perkas asnje grupi te dhunshem deputetesh. Nuk kam kercenuar askend me jete apo te kem ushtruar dhune ndaj ndokujt. Nuk kam shkelur as Kushtetuten dhe as Ligjin. Dhe te gjitha keto per hir te se vertetes me dallojne qartesisht nga Ju dhe shefi Juaj Kryeminister.
Deshiroj tju informoj se jam perpjekur te bej detyren time gjate punimeve te parlamentit sa here me eshte dhene mundesia ne permbushje te interesit me te larte te qytetareve qe perfaqesoj.
Gjithashtu deshiroj tju siguroj se duke pare Shkelcesine tuaj te keqperdore mikrofonin e spikeres me provokime e ofendime per deputetet e opozites me ofshama e pasthirrma lezeti te qeshura e te bertitura kercenime e shume te tjera si keto te cilat ju i beni vazhdimisht ne seanca plenare kam mesuar mire llojin racen menyren e modelin si nuk duhet te jete nje deputet i kuvendit njekohesisht duke i premtuar vetes se nuk do lejoj kurre tju ngjaj largesisht juve ose me keq akoma atij qe kerkoni ti ngjani edhe ju vete.
Deshiroj tju informoj se ne protesten time para foltores se Kuvendit kam mbajtur ne dore nje stilolaps te bardhe i cili kryen vetem funksionin e vet primar. Ne rast se ju dhe koleget tuaj jeni ngaterruar e mendoni se kam pasur ne dore nje stilolaps-pistolete jam i gatshem tua ve ne dispozicion per ti bere ekspertizen shkencore.
Gjithashtu me vete kam pasur nje cader shiu te cilen nuk e mora brenda salles por e lashe ne hyrje ne mirebesim te nje punonjesi te Kuvendit. Ne rast se ju jeni ngaterruar e mendoni se me vete kam pasur cader pistolete jam i gatshem tua ve ne dispozicion per ti bere ekspertizen shkencore. Po keshtu nuk kam pasur e nuk kam mbajtur kurre as thike me helm e as ndonje objekt te ngjashem me te.
Fort e nderuar Znj. Kryetare e Kuvendit
ka me siper ju sqaroj ne kete leter i konsideroj ceshtje shume te rendesishme per tu marre parasysh prej jush. Duke cene se nuk me eshte dhene mundesia te jap shpjegimet e mia perpara se te merret masa disiplinore ndaj meje duke cene se as deputetet e PD nuk jane ne gjendje te me japin asnje informacion me shume duke cene se edhe informacioni i bere publik nuk permban asnje motivim per perjashtimin tim
Kerkoj prej Shkecesise Suaj fort te nderuar arsyet dhe motivimin konkret sipas te cilit bazuar ne Rregulloren e Kuvendit eshte legjitimuar perjashtimi im nga punimet e komisioneve dhe seancave plenare.
Gjithashtu duke cene se keni vendosur ce masa disiplinore te filloje nga dt 14 shkurt do ju lutesha qe te respektoni rregulloren dhe te beni ceshte e mundur qe masa disiplinore per mua te mos filloje ne dt 14 shkurt por sa me shpejt madje qe nga dita e djeshme kur paskam konsumuar edhe shkeljen qe kam besim do me sqaroni ne pergjigjen tuaj.
Me kete rast me kurseni edhe dhuraten tuaj te hidhur per diten e te dashuruarve ne 14 shkurt.
Duke ju falenderuar paraprakisht per konsideraten e thelle ce keni ndaj meje dhe kolegeve te mi
Me respekt te detyruar Saimir Tahiri
Deputet i Partise Socialiste