Librari në vend të Kinema “Dajtit”

 

Nis rikonstruksioni i Kinema “Dajtit”. Ajo do të  kthehet në një qendër multimediale, e cila do të plotësojë nevojat, dëshirat dhe ambiciet artistike e krijuese të grupmoshave të reja. Ambientet e reja do të sigurojnë hapësira për të lexuar. Tek ish-Kinema “Dajti” do të krijohet edhe një librari për fëmijët. Shërbimet kryesore që do të ofrojë qendra multimediale te Kinema “Dajti” do të jenë salla e kinemasë, salla e konferencave, ekspozita, atriumi i librit, salla e fëmijëve, studio e regjistrimit, laboratori i artit pamor, salla e muzikës, e kërcimit, salla e internetit etj. Sipas Bashkisë, kinemaja e ndërtuar rreth viteve ’70 ka qenë funksionale deri në fillimet e viteve ’90. Kësisoj, ish-Kinema “Dajti” do të transformohet në një qendër multifunksionale, duke iu përshtatur jo vetëm nevojave të komunitetit të zonës, por dhe të një pjese të aktiviteteve administrative të qytetit.