Liderët talibanë takohen fshehurazi me përfaqësuesin e OKB

Liderët e Talebanit janë takuar fshehurazi me përfaqësuesin e Kombeve të Bashkuara në Afganistan për të biseduar çështjen e lënies së armëve.
Lajmi bëhet i ditur nga një autoritet i Kombeve të Bashkuara. Ai tha se takimi është bërë në 8 janar në Dubai.
Mësohet se liderët e Talebanit kanë kërkuar të mbrohen dhe të jenë të lirë të dalin në popull.
Ndërkohë Sekretarja Amerikane e Shtetit Hilari Klinton ka thënë se për arritjen e paqes në Afganistan duhet të krijohen marrëdhënie me armiqtë.