Lippi s’ka marrë fund

Marcelo Lippi ka insistuar se karriera e tij si trajner nuk është në përfundim dhe ritheksoi dëshirën të drejtojë një reprezentacion në Kampionatin botëror 2014.

63 vjeçari i cili si trajner ka fituar 14 tituj në shkallën e klubeve dhe Kombëtareve është i papunë nga përfundimi i pasuksesshëm i aventurës së tij të dytë si selektor i Italisë në Kampionatin botëror 2010. Por, ai insiston se karriera e tij nuk ka mbaruar.

“Karriera ime është gati në fund, por ende s’ka mbaruar. Kam marrë shumë oferta por kam refuzuar të kthehem në një klub. Pres thirrjen e një Kombëtareje, dhe pres që kjo të jetë detyra ime e fundit. Sigurisht, nuk do të jem sërish në krye të Italisë, gjëja ideale është se janë edhe dy vite para Kampionatit botëror” deklaroi Lippi për Sky Italia.