Londer anullohen qindra fluturime nga mjegulla
Britania e Madhe prej dy ditësh është përfshirë nga një mjegull e dendur e cila ka detyruar dhe pezullimin e qindra fluturimeve në aeroportin Heathrow.
Dhjetë avionë që duhet të niseshin edhe nga aeroporti London City u detyruan të qëndrojnë në tokë për shkak të kushteve të këqija të motit dhe dukshmërisë tepër të ulët. Autoritetet e Heathrow-t, aeroportit më të ngarkuar në Britani me rreth 1.300 fluturime në ditë, u kërkuan pasagjerëve të kontaktojnë me kompanitë ajrore përpara se të nisen për udhëtim. 132 fluturime, 50 ndër të cilat të British Airways, u anulluan ditën e djelë si pasojë e mjegullës që kishte përfshirë vendin.
Disa linja ajrore po shikojnë mundësinë për t'i kaluar pasagjerët në fluturime të tjera, ndërsa një pjesë kanë marrë masa për akomodimin e tyre nëpër hotele. Shërbimi Britanik i Meterologjisë paralajmëroi se mjegulla mund të vazhdojë të shkaktojë probleme.
Këshilla për kujdes janë lëshuar edhe për drejtuesit e automjeteve, të cilëve u kërkohet të tregojnë edhe më shumë vëmendje.
Një paralajmërim nga mjegulla e dendur është lëshuar për disa disa rajone jugore të vendit, ndërsa ka raporte se ajo ka prekur edhe pjesë të Gjermanisë, Hollandës dhe Belgjikës.
Dhjetë avionë që duhet të niseshin edhe nga aeroporti London City u detyruan të qëndrojnë në tokë për shkak të kushteve të këqija të motit dhe dukshmërisë tepër të ulët. Autoritetet e Heathrow-t, aeroportit më të ngarkuar në Britani me rreth 1.300 fluturime në ditë, u kërkuan pasagjerëve të kontaktojnë me kompanitë ajrore përpara se të nisen për udhëtim. 132 fluturime, 50 ndër të cilat të British Airways, u anulluan ditën e djelë si pasojë e mjegullës që kishte përfshirë vendin.
Disa linja ajrore po shikojnë mundësinë për t'i kaluar pasagjerët në fluturime të tjera, ndërsa një pjesë kanë marrë masa për akomodimin e tyre nëpër hotele. Shërbimi Britanik i Meterologjisë paralajmëroi se mjegulla mund të vazhdojë të shkaktojë probleme.
Këshilla për kujdes janë lëshuar edhe për drejtuesit e automjeteve, të cilëve u kërkohet të tregojnë edhe më shumë vëmendje.
Një paralajmërim nga mjegulla e dendur është lëshuar për disa disa rajone jugore të vendit, ndërsa ka raporte se ajo ka prekur edhe pjesë të Gjermanisë, Hollandës dhe Belgjikës.