Lotet dhe grate i dhane fitoren
Hilari Klinton ka zbuluar dy faktoret kryesore qe i dhuruan asaj fitoren ne zgjedhjet paraprake ne New Hampshire. Senatorja pretendente per Shtepine e Bardhe e cilesoi incidentin e disa diteve me pare gjate nje darke, kur ajo gati shpertheu ne lot perpara kamerave, si nje "moment te mrekullueshem", i cili i lejoi zgjedhesit te kuptonin me te vertete se pse Hilari i eshte futur kesaj gare. Ish-zonja e pare e Shteteve te Bashkuara te Amerikes arriti nje fitore te papritur, e cila i la me "goje hapur" si sondazhet (sipas te cileve pritej qe ajo te pesonte nje tjeter humbje te thelle), ashtu edhe stafin e saj. Klinton beson se shfaqja e saj emocionale ka qene nje faktor kyc per kete fitore, pasi njerezit kane mundur te shohin anen njerezore te saj. Videoklipi ku Hilari thuajse shperthen ne lot, pas pyetjeve te gazetareve, u transmetua vazhdimisht neper televizionet amerikane, duke lene nje shije te ndjeshmerise se saj. "Jam shume e kenaqur qe pata rastin te them ate qe besoj thelle ne zemren time. Njerezit e kuptuan se arsyeja pse une jam ne kete gare, eshte sepse e dua kete vend thellesisht", - ka thene Klinton per CNN. Ajo fitoi 39 per qind te votave, ndersa rivali i saj, Barak Obama, 36 per qind. Rendesia e kesaj fitoreje u reflektua edhe ne fjalimin e saj mjaft emocionues pas shpalljes se rezultateve. "Dua te falenderoj New Hampshire. Gjate javes se kaluar ju kam degjuar juve, dhe gjate ketij procesi une gjeta zerin tim", - u shpreh ajo. Nje tjeter faktor kyc qe ndihmoi Hilari Klinton te arrinte kete fitore, ishte dhe mbeshtetja qe i dhane grate, kryesisht ato mbi 40 vjece te Nee Hampshire. "Exit pollet" treguan se grate ne kete shtet votuan me shume ne numer se saj burrat, dhe Klinton fitoi 46 per qind te votave te tyre. Po sipas ketyre sondazheve, pjesemarresit ishin kryesisht te moshes se trete, nje grup qe favorizon Hilarin. Kjo e fundit perfitoi edhe nga popullariteti i te shoqit, ish-presidenti amerikan Bill Klinton. Gjate intervistave te "exit polleve", rreth 1/3 e demokrateve thane se, nese do te mundeshin, do te kishin votuar per Bill Klintonin. Tani Hilari ka perballe nje gare te veshtire dhe shume te paparashikueshme, por ajo qe eshte e sigurt, eshte fakti se Klinton do t'i jape nje tjeter "ngjyre" fushates se saj qe sot e tutje. Stafi i saj ka pranuar se do t'i fokusojne strategjite e tyre ne nje tjeter drejtim.