Lufta në Gaza, Mun vizitë në Izrael

Tel-Aviv -Sekretari i përgjithshëm i OKB-së, Ban Ki-Mun ka mbërritur sot për një vizitë zyrtare në Izrael, në kuadër të një turi në Lindjen e Mesme në përpjekje për t'i dhënë fund dhunës në Rripin e Gazës. Mun do të takohet me ministren e Jashtme izraelite, Tzipi Livni dhe më pas me kryeministrin Ehud Olmert dhe presidentin Shimon Peres. Gjatë ditës së nesërme, sekretari i Përgjithshëm i OKB-së, do të shkojë në Ramallah dhe Cisjordani për t'u takuar me presidentin e Autoritetit Palestinez, Mahmud Abas.