MASH privatizon shkollat e mesme profesionale
Ne drejtimin e shkollave te mesme profesionale tashme do te kene te drejten e vendimmarrjes edhe subjektet private. Kete vendim te Ministrise se Arsimit e ka bere te ditur vete Ministri i Arsimit Myqerem Tafaj dje gjate nje takimi pune me drejtuesit e shkollave profesionale ne Shqiperi.
Ministri Tafaj ka deklaruar se ne bashkepunim me Ministrine e Financave eshte rene dakord per hapjen e nje llogarie bankare ne cdo shkolle profesionale te vendit. Ne kete menyre cdo subjekt privat biznes ose jo mund te kontribuoje ne zhvillimin e arsimit profesional ne Shqiperi. Keto donacione do ti bashkengjiten buxhetit qe cdo shkolle merr nga Ministria e Arsimit dhe nje veprim i tille sipas ministrit do te mundesoje zhvillimin e veprimtarive te ardhurave per shkollat si pasoje dhe autonomine financiare. Hapja e llogarive bankare ishte vetem nje nga elementet e platformes per zhvillimin e arsimit profesional.
Ministri Tafaj tha se duhet menduar qe ti hapen shkollat e mesme profesionale drejt ekonomise dhe sektorit privat te interesuar. Ne kete strategji te re te MASH eshte parashikuar qe ne bordin drejtues se ketyre shkollave do te kete edhe nje perfaqesues te sektorit privat dhe per te hequr cdo spekulim te mundshem ministri theksoi se ky vendim eshte marre mbi bazen e ligjit per arsimin e mesem. Ka plot biznesmene qe duan te na ndihmojne dhe ne duhet ti afrojme ata. Do te jete bordi qe ben mbikeqyrjen financiare menaxhimin e buxhetit si dhe kontribuon direkt ne planin e zhvillimit te shkolles. Tashme Bordi i ketyre shkollave profesionale sipas ligjit do te kete perfaqesues te sektorit privat - u shpreh Ministri i Arsimit duke ritheksuar rendesine e terheqjes se nxenesve ne Arsimin Profesional.
Pak muaj me pare gjate ceremonise prezantuese te nisjes se procesit te vleresimit te universiteteve ne vend ishte Kryeministri Sali Berisha qe ftoi firmat e ndertimit te investojne ne arsim. Nje ftese qe kryeministri e argumentoi duke u shprehur se vete firmat do te jene perfitueset kryesore nga kerkimet shkencore qe do te zhvillohen ne vendin tone. Ndonese kryeministri iu referua investimeve ne institucionet e arsimit te larte MASH ka vendosur qe nje praktike e tille te zbatohet edhe ne arsimin e mesem profesional.
Arsimin profesional Ministri Tafaj e ka shpallur si prioritet qe ne fillim te mandatit te tij rreth dy vite me pare por vete ai pohoi dje se sistemi arsimor profesional perballet me mangesi te medha. shte e veshtire ngaqe ne ende nuk kemi nje kriter te shpallur se cili nxenes do te shkoje ne shkolle te mesme te pergjithshme apo ne shkolle profesionale. Thembra e Akilit tek shkollat profesionale e ketu kemi ngercin me te madh - u shpreh ai duke u kerkuar drejtuesve te shkollave nje bashkepunim me te madh me drejtorite arsimore. Rendesi te vecante ka marketingu per ate qe ofron shkolla profesionale cfare fitojne nxenesit. Ky marketing duhet te jete shume aktiv i mirepergatitur. Arsimi profesional rrit shanset per punesim gati dy here dhe eshte e domosdoshme qe te therrisni prane shkolles njerezit nga biznesi - perfundoi ministri.