MSH-ja dërgon inspektorë për të marrë masa
Hepatiti A
Pas rasteve të evidentuara në Elbasan me hepatitin A, Ministria e Shëndetësisë ka dërguar inspektorët për hetimin e rastit dhe parandalimin e shtimit të personave të infektuar. Për këtë të gjitha strukturat shëndetësore në qarkun e Elbasanit duhet të raportojnë çdo ditë nëse ka raste të reja të hepatitit A, një sëmundje infektive jovdekjeprurëse që përhapet nga mungesa e kushteve higjeno-sanitare, ndërkohë që çdo ditë do të kryhen dhe analizat e ujit të pijshëm, deri në një urdhër të dytë nga Drejtoria e Shëndetit Publik në këtë rajon.
Pas shfaqjes së hepatitit A tek të paktën 15 fëmijë të një kopshti në Bashkinë e Cërrikut në qarkun e Elbasanit, Ministria e Shëndetësisë ka marrë të gjitha masat për mbajtjen nën kontroll të situatës, ndër të cilat veçohet vazhdimi i hetimit epidemiologjik nga ana e personelit shëndetësor, promocioni shëndetësor nga personeli i kopshtit dhe atij shëndetësor, si dhe dezinfektimi çdo ditë i kopshteve.
Burime nga MSH-ja thanë se "për të mbajtur në kontroll të vazhdueshëm situatën dhe për të eliminuar rastet e hepatitit A, janë angazhuar të gjitha institucionet shëndetësore në Elbasan dhe specialistët e Institutit të Shëndetit Publik të Tiranës". Inspektimi i hollësishëm i gjendjes në vend u pa i nevojshëm, pas njoftimit nga shërbimi epidemiologjik i rrethit, bazuar dhe nga denoncimet e ardhura nga spitali pediatrik i Elbasanit dhe nga laboratori i tij.
Nga të dhënat e DSHP-së në Elbasan, mësohet se deri në 27 tetor në Bashkinë e Cërrikut janë diagnostikuar gjithsej 15 raste me hepatit viral akut, një pjesë e konsiderueshme e të cilëve fëmijëve që frekuentojnë kopshtet e bashkisë.
Hepatiti A është një sëmundje infektive që shkaktohet nga një virus dhe përhapet përmes duarve dhe ushqimeve të palara, orendive të kontaminuara etj.
Pas rasteve të evidentuara në Elbasan me hepatitin A, Ministria e Shëndetësisë ka dërguar inspektorët për hetimin e rastit dhe parandalimin e shtimit të personave të infektuar. Për këtë të gjitha strukturat shëndetësore në qarkun e Elbasanit duhet të raportojnë çdo ditë nëse ka raste të reja të hepatitit A, një sëmundje infektive jovdekjeprurëse që përhapet nga mungesa e kushteve higjeno-sanitare, ndërkohë që çdo ditë do të kryhen dhe analizat e ujit të pijshëm, deri në një urdhër të dytë nga Drejtoria e Shëndetit Publik në këtë rajon.
Pas shfaqjes së hepatitit A tek të paktën 15 fëmijë të një kopshti në Bashkinë e Cërrikut në qarkun e Elbasanit, Ministria e Shëndetësisë ka marrë të gjitha masat për mbajtjen nën kontroll të situatës, ndër të cilat veçohet vazhdimi i hetimit epidemiologjik nga ana e personelit shëndetësor, promocioni shëndetësor nga personeli i kopshtit dhe atij shëndetësor, si dhe dezinfektimi çdo ditë i kopshteve.
Burime nga MSH-ja thanë se "për të mbajtur në kontroll të vazhdueshëm situatën dhe për të eliminuar rastet e hepatitit A, janë angazhuar të gjitha institucionet shëndetësore në Elbasan dhe specialistët e Institutit të Shëndetit Publik të Tiranës". Inspektimi i hollësishëm i gjendjes në vend u pa i nevojshëm, pas njoftimit nga shërbimi epidemiologjik i rrethit, bazuar dhe nga denoncimet e ardhura nga spitali pediatrik i Elbasanit dhe nga laboratori i tij.
Nga të dhënat e DSHP-së në Elbasan, mësohet se deri në 27 tetor në Bashkinë e Cërrikut janë diagnostikuar gjithsej 15 raste me hepatit viral akut, një pjesë e konsiderueshme e të cilëve fëmijëve që frekuentojnë kopshtet e bashkisë.
Hepatiti A është një sëmundje infektive që shkaktohet nga një virus dhe përhapet përmes duarve dhe ushqimeve të palara, orendive të kontaminuara etj.