Makina qe kushton sa bicikleta

Kushton me pak se nje biciklete apo sa mund te shpenzosh per nje navigator. Kjo eshte makina per popullin, e cila po shfaqet ne sallonin e Nju Delhit. Quhet "Tata 1 Lahk Car" dhe nuk eshte ndonje risi e madhe e 2008-es, por eshte nje makine e vertete, shume ekonomike. "Realizova nje enderr, - shprehet Ratan Tata. - Ishte deshira per t'u dhuruar indianeve nje makine indiane, madje edhe atyre qe nuk kishin mundesi per te blere nje te tille". Kjo makine jo shume kujdesshme ne siguri dhe ambient, shihet paksa me dyshim per perdorimin e saj ne rruget evropiane, por per Indine ajo eshte strategjike. Shoqeria indiane "Tata" ka deklaruar se do te hedhe ne treg nje makine, e cila do te jete me e lira ne bote. Ne fakt, makina do te jete e tipit "Nano". Cmimi ne Indi do te jete 100.000 rupi dhe e konvertuar ne euro, plus taksat, do te shkoje rreth 1700 euro. Duke qene se cmimi eshte shume i lire, natyrisht qe duhet te kete edhe kompromise, si per shembull nuk ka klimatizator, xhama elektrike, air-bag dhe timoni do te jete mekanik, ndersa per sa i perket ABS as qe behet fjale. Motori 650-kubikesh do te jete i vendosur ne pjesen e pasme te makines dhe do te kete 30 deri ne 35 KF, qe do t'i mundesoje "Nano"-s te arrije nje shpejtesi deri ne 80 km/h. Makina e "Tata"-s per 100 kilometra do te harxhoje me pak se 5 litra dhe si e tille ajo i permbush normat e "Euro 4". Pritet qe "Tata" te shese rreth 250.000 ekzemplare te ketij automjeti brenda ketij viti.