Makineritë japoneze zhgënjejnë tregun

Porositë për makineritë japoneze u rritën në muajin mars dhe prodhuesit presin një rritje të mëtejshme të porosive në muajt në vijim, duke sugjeruar se shpenzimet kapitale do të vijojnë të rriten në mënyrë të moderuar, pasi ekonomia po ringjallet si pasojë e

rritjes së konsumit në vendet e Azisë. Por statistika e porosive nuk ishte në nivelin e pritshmërive të tregjeve dhe ky faktor bashkë me shqetësimet për problemet financiare të Evropës rrëzuan me 2.17% bençmarkun japonez Nikkei. Rritja e çmimeve të lëndëve të para uli rënien e çmimeve të produkteve të shumicës për muajin prill, por ekonomistët thonë se deflacioni do të jetë prezent edhe në vitin tjetër, kur do të fillojë të jepen shenjat e para të rritjes së shpenzimeve të korporatave dhe të familjarëve. Analsitët thanë se me këto të dhëna, Banka e Japonisë do të mbajë pranë zeros normat e interesit dhe do të vijojë politikën ultra-liberale monetare. Në muajin mars porositë për makineritë e sektorit privat u rritën me 5.4%, ndërsa parashikimi ishte për rritje me 5.5% dhe krahasuar me rënien me 3,8% në shkurt vlera është shumë optimiste.

Last Updated on Monday, 17 May 2010 19:24