Man City mund të fitojë Premierligën

Patrick Vieira beson se nuk ka arsye pse Manchester City nuk mund të fitojë Premierligën këtë sezon.

Vieira, anëtar i ekzekutivit në klub ka thënë se gara për titull këtë sezon do të jetë më e hapur se kurrë më parë.

“Liga është më interesante tani, sepse janë gjashtë ekipe që mund të fitojnë titullin. City është i mirë aq sa United, Arsenal dhe Chelsea dhe nuk duhet të kemi frikë të themi se mund të fitojmë titullin”, tha Vieira për BBC Sport.

City përfundoi i treti në sezonin e kaluar, derisa triumfoi në FA Cup.